Çarşem , 28 Cotmeh 2020

Mîhrîcana Wêjeyê ya Osman Sebrî

Bi boneya salvegera koça dawîn a rewşenbîr û şoreşger Osman Sebrî Gerînendetiya Çand û Hunerê ya Herêma Cizîrê û Komîteya Wêjeyê ya Rojava bi dirûşma “Bi wêjeyê em bi pêş dikevin” dê 11`ê Cotmeha 2020`an Mîhrîcana Osman Sebrî ya Çaremîn li dar bixe.

Nivîskar û helbestvanê Kurd Osman Sebrî sala 1905`an li Bakurê Kurdistanê ji dayik bûye û sal 1993`yan koça dawîn kiriye û hem helbestvan bû, hem jî zimanzan, nivîskar û siyasetmedarekî Kurd ê navdar bû.

Ji ber li herêmê vîrusa korona berbelav e, dê Gerînendetiya Çand û Hunerê mîhrîcana îsal di asta pêşbirkên wêjeyî yên mîna çîrok, helbest û pexşan de sînordar bike.

Gerînendeya Çand û Hûnerê diyar kir ku ew ê  xelatên mîhrîcana sêyemîn a par li dar ket, di mîhrîcana îsal de belav bikin, ji ber rewşa şer xelatên par nehatibûn belavkirin.

Gerînendetiya Çand û Huner ya Herêma Cizîrê da zanîn ku nivîskarên ji Bakur û Rojhilatê Sûriyê dikarin tevlî pêşbirka wêjeyê bibin.

Şert tevlêbûnê wiha ne:

  • Zimanên tevlêbûnê; kurdî, erebî û suryanî.
  • Beşên pêşbirkê; helbest, kurteçîrok û pexşan.
  • Beşdar dikarin tenê bi berhemekê tevlî pêşbirkê bibin.
  • Divê berhem li tu deverê nehatibin weşandin.
  • Divê berhem li ser bernameya wordê werin amadekirin û şandin.
  • Divê berhemên kurdî bi puntoya 12 û berhemên erebî û suryanî bi puntoya 14an bên nivîsîn.
  • Kurteçîrok û pêxşan divê herî zêde 1000 gotin bin.
  • Helbest jî divê ji du rûpelan zêdetir nebin.

Gerînendetiya Çand û Hunerê ya Herêma Cizîrê diyar kir ku kesên dixwazin tevlî pêşbirkê bibin dikarin heyanî 30ê Îlonê berhemên xwe tevî wêneyekî xwe û kurtejiyanan xwe li ser e-maîla gerînendetiya bişînin.

e-maîl: apo.osmansebri@gmail.com

Çavkani: hawarnews.com

Derbar Ridwan Xelîl

Avatar
Ji nisêbînê ye. Rojnamegerî, Weşangerî, Grafîkerî û televîzyongerî kiriye. Li îzmîr, Stanbol, Mêrdîn û herî dawî li Enqereyê jiyaye.

Dikarê vê jî bixwênê

Bêjeya Kurdî da Îlonek Nû

Di wêjeya Kurdî da lêgerinên ji bo nûbûnê dewam dikin. Pirtûka şaêr û nivîskar Ulku …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.