Çarşem , 21 Cotmeh 2020

Duaya Xitmekirina Qur’ân’a Pîroz

Duaya Xitmekirina Qur’an’ê

 

Bîsmîllahîrrehmanîrrehîm

Hemd jibo Rebbê me û Rebbê hemû ‘alemê.

Selat û silav li ser pêxemberê me (s.e.w.), li ser malbata pêxemberê me û eshabê wî be.

Ey Rebbê me! Ev xitmeya ku me xwendiye di dergahê xwe de qebûl bike. Bê şûphe Tu her tiştan seh dike û Tu ji her tiştan xeberdar î.

Ey Rebbê me! Tobeya me qebûl bike, lewre yê gunehan efû bike her Tu yî. Hîdayetê bide me, me bigehîne riya heq û riya rastiyê.

Ji bo xatira Quran’ê, ji bo heqê pêxemberê me, gunehên me û yên hemû miriyên me efû bike. Ey Xwedayê me yê Kerîm û Rehîm! Me bi zîneta Quranê bixemilîne û me bi germatiya Quranê bipêçe. Me pê şefa’eta vê Qurana pîroz a me xwendiyî bixe cenetê. Bi hurmeta Quranê me ji hemû belayên dinyayê û ‘ezaba axîretê biparêze. Ey Xwedayê mey ê Dilovan û Mîhrîban! Quranê ji bo me di dinyayê de bike heval, di qebrê de ji bo me û miriyên me bike ronahî, roja hesabê li axîretê bike şefaetkar û li ser pira siratê bike nûr. Heta ku em û miriyên me bigehin cenetê.

Ey Rebbê me yê Kerîm! Duayên me qebûl bike û me ji agirê cehennemê xilas bike. Bi fezileta Quranê dereceyên me bilind bike û xeta û xeletiyên xwendina me veşêre.

Ey Xwedayên me! Qelbê me paqij bike, eybên me,xeletiyên me peçêve. Nesaxên me sax bike, şîfayê bide wan. Rehmeta xwe li ser bav û bapîrên me, da û dapîrên me bike û wan bibexşîne.

Ey Rebbê me! Sewab û nûra xitma ku me xwendiye bigehîne rihê pexêmberê me û hemû pêxemberan dîsa rehmet û selameta Te li ser rihê bav û dayikên me, bira û xwişkên me li ser eqreba û malbatên me, li ser yên ku di jiyanê de û yên ku wefat kiriyî be.

Ey Xweda’yê me! Em hewcedarê te ne. Îhtiyacên me, hewcedaran bibîne û duayên me qebûl bike. Merhemeta xwe li ser hemû erwahên me bixusûsî li ser riha merhûmên me’lum bike. Rizayê Teala El-Fatîha…

Necmettîn KEVE-Kürt Dili ve Edebiyatı

Derbar ziman

Avatar

Dikarê vê jî bixwênê

MEHA REMAZANÊ Û GIRTINA ROJÎYÊ

Qîmeta meha Remezanê çima wûsa zêde ye?  Qur’ana pîroz di vê mehê da înzal bûye. …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.