Tenê 3 kes ji bo mamostatiya kurdî hatine tayînkirin

Wezareta Perwerdeya Tirkiyê ji bo mamostatiya zimanên din 4 hezar û 102 mamoste destnîşan kir. Di nav van de tenê 3 kes ji bo kurdî hatine terxan kirin.

Li gor daxuyaniya wezaretê, serlêdanên mamostetiyê yên beşa ziman yên 2017an de, di nav 4 hezar û 102 mamosteyan de, 2 mamostatî ji bo beşa kurmancî û yek jî ji bo mamostetîya zazakî hat veqetandin.

Di serlêdana mamostatiya zimanên curbicur de ji aliyê Wezareta Perwerdeya Tirkiyê ve 2 hezar û 193 kes ji bo beşa îngilîzî, hezar û 140 ji bo tirkî, 618 kes ji bo beşa ziman û edebiyata tirkî, 105 kes ji bo almanî, 43 kes ji bo erebî 3 mamoste ji bo zimanê kurdî hatine tayînkirin.

Hêjayê gotinê ye, ku di sala 1999an de Rêxistina Perwerde, Zanist û Çandê ya Neteweyên Yekbûyî UNESCOyê 21ê Sibatê wekî Roja Zimanê Dayîkê ya Cîhanî destnîşan kir.

Rûdaw