Çarşem , 21 Cotmeh 2020

Li Heskîfa Nû Çêkirina Muzeyê Qediya

Li Heskîfa ku wê di bin bendava Ilisuyê de bimîne, ji bo ku welatî lê bijîn niha cihên nû tên çêkirin. Avahiya muzeyê û tiyatroya anfiyê temam bû.

Heskîfa nû li gor cihê niha li quntara çiyayên Ramanê ya rojavayê ye. Wezareta Turîzm û Çandê, Midûriyeta Giştî ya Karên Avê ya Dewletê û Lijneya Parastina Hebûnên Xwezayê bi hev re projeyan amade dikin û bi xebatên xwe ve yek bi yek van çêdikin.

Ji van projeyan yek jî Muzeya Heskîfê ya 3 qat e. Muze 2 hezar û 500 mêtroqereyî cihê girtî û 5 hezar mêtroqere jî cihê servekirî bi giştî li ser qadeke 7 hezar û 500 mêtroqereyî hat çêkirin. Berhemên ku dîroka Heskîfê nîşan didin wê li muzeyê bên nîşandan.

Tiyatroya amfî ya kapasîteya wê 500 kes e jî hat çêkirin.

Ji bilî van pireya peyayan jî hindik ma biqede.

Qaymeqamê Heskîfê Bulent Bayguven got ku armanca wan ew e ku navçeyeke modern ava bikin û wiha axivî: “Çêkirina lojmanên kamuyê dewam dike. Dibistana navîn qediya û li wir perwerde tê dîtin. Lîseya me jî nû vebû. Saloneke me ya werzişê, liseyek û dibistaneke me hindik ma ku xilas bibin. Nexweşxaneya me jî wê di demeke kin de biqede. Parka Çandê, Fermandariya Cendirmeyan a Navçeyê, avahiya Midûriyeta Heywandariyê, Xurek û Çandê ya Navçeyê tên çêkirin. Dema ku welatî jî bên înşallah avahî jî wê bên çêkirin û ev derê bibe navçeyeke xweş.”

Çavkanî: trtnuce

Derbar Rêvebirê Çandnameyê

Rêvebirê Çandnameyê

Dikarê vê jî bixwênê

Nameya Xwekuştiyek

Mîhrîban! Çend roj berî niha min kurikek çavên wî ji çavên te li ber derê …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.