Yekşem , 20 Îlon. 2020

Li Miksê Festivala Feqiyê Teyran tê sazkirin

Li navçeya Miksê ya Wanê, Festîvala Mirateyên Çandî ya Feqiyê Teyran tê sazkirin. Di çarçoveya festîvalê de beşdaran serdana mal û mezargeha Feqiyê Teyran kirin, herwiha pêşbirkên santranc û raftingê hatine kirin.

Li navçeya Miksê ya Wanê, bi navê helbestvan û fîlozofê kurd Feqiyê Teyran, Festîvala Mirateyêm Çandî hate lidarxistin.

 

Di festîvalê de Parêzgerê Wanê Murat Zorluoglu û rayedarên hikûmetê jî amade bûn. Di çarçoveya festîvalê de beşdaran serdana mal û gora Feqiyê Teyran kirin.

 

Şêwermenda Serokomarê Tirkiyê Gûlşen Orhan, helbesta Feqiyê Teyran a navdar, “Ey Dîlberê” bi awayekî stran got.

 

Parêzgerê Wanê Murat Zorluoglu ji çapemeniyê re ragihand, ku ew gelekî kêfxweş bûye bi lidarxistina Festîvala Feqiyê Teyran.

 

Murat Zorluoglu got: “Miks bajarê Feqiyê Teyran,  Arwasî û Yunus Emre ye, ku hemû helbestvan û qelender in. Ji aliyekê ve Miks bajareke çandê ye û ji aliyê din jî bi kanî, çem, û darên curbicur gelekî xweşike.”

 

Parêzgerê Wanê tev kesên ku pêre hatine Miksê, li nav çalakiyên festival geriyan.

 

Miksiyan jî him stranan gotin û him jî berhemên xwe yên dîrokî, bi pêşengeha tiştên kevin yên Miksê li ber temaşevan û mîvanên festîvalê raxistin.

 

Di çarçoveya festîvalê de pêşbirkên santranc û raftîngê jî hatine kirin.

 

Feqê Teyran di sala 1590ê de ji dayik bûye û sala 1632ê de çûye ser dilovaniya xwe. Feqî xwediyê gelek helbestên navdar ên weke “Ey Av û Av, Ey Dîlberê û pirtûkên wek Şêxê Senan, Qewlê Hespê Reş, Sîseban, Xan Dimdim û Qiseya Bersivayî ye.

Rûdaw

Derbar ziman

Avatar

Dikarê vê jî bixwênê

Kovara zanist û erdnîgariyê: Parzemîn

Berpirsê kovara Parzemînê Weysel Karabulut dibêje ku bi kurdî xebatên li ser zanistê kêm in …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.