În , 25 Îlon. 2020

Ji Te Dûr

Her roj ji berbanga sibê 

Ji qonaxan

Rojhelatek ji bêhna te

Xwe li bejna min dipêçe

Min ji bîrkirinê şîyar dike

Û xwe diavêje himbêza temenê min ji te dûr ,

Sinor di herifin ji bêriyê

Û zayînê diafirîne

Herwekû bicizbê dikeve peyv û

Hevûkên birîndar di dilê min de

Keniya te dibe keniya min

Stêrkên rijîyayî berhev dikim ji êvarên bêdeng

Ne xew ne jî çav hêvûdu nagirin

Pêlên deryayên xwe dipîvim

Li dû hêviyên stûxwar

Belê nizanim çawa xwe fêrî melevaniyê bikim ji te dûr

Di dîmenên xeyidî de

Nakêşim axîn û keseran

Li ber deriyê dilê te

Eyy  can hêdî hêdî

Rahêje peyvên min

Bila dengê gazinan

Ji gotinên min neyên gûhê te

Belê bizanibe eyy can

Bûhar têra pînekirina dilê min nake ji te dûr…

Havîn Acar

www.candname.com

Derbar çandname

Avatar

Dikarê vê jî bixwênê

Raweste ezbenî.. te agahdar bikim?!

Carna tu neçar dibî, dergehê mala xwe ji ber bahozê bigire, da ku xewnên te …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.