Eger ji vê eşa dil ez rizgar bibim
Ez hew carek din evîndar dibim
Ku min bizanîbûya min dil ne dida
Îro polî poşman min li xwe ne dida
Ez hew dilê xwe êdî didime kesî
Ez bawer nakim ji sozên tu kesî
Ji destê yar, min derba xwe xwar
Çi qas bigirîm û ez bikim hewar
Feyda nakin ev gotin û ax û zare zar
Di hezkirinê de ma qey hebûn bazar?
Dev kiribû kevan, ziman jî weke tîr
Ew tîra tûj li dil da, birîn bû wek bîr
Min dewlek avête binê wê bîrê
Min cêr jê dagirt ji jan û ji xwînê
Cêrêm bi ser ve çû tije bû teqî
Hew cebar dibû êdî dilê şikestî
Ronî Aram
