Çarşem , Kewçêr 17 2018
Malper / Danasîn / Pirtûknasîn / Derbarê Barzan û Barzaniyan de pirtûkek nû hate çapkirin

Derbarê Barzan û Barzaniyan de pirtûkek nû hate çapkirin

Pirtûka bi navê “Barzan Mîkromodela Kiyaneke Serbixwe”, ku ji aliyê bedir Îsmaîl Şêrokî ve hatiye nivîsandin, bi zareveya Soranî hate çap û belavkirin.

Nivîskarê pirtûkê Bedir Îsmaîl Şêrokî ji Rûdawê re ragihand, ku ev 2 sal in mijûlê nivîsandina vê pirtûkê ye.

Derbarê naveroka wê de Şêrokî got: “Barzan Makromodela Kiyaneke Serbixwe lêkolînekî gelemper a di warê ayîn, bawerî, îrfan, civak û feraseta tevgera rizgarîxwazî ya tarîqeta Barzan de ye.”

Bedir Îsmaîl Şêrokî herwiha diyar kir: “Barzan projeya binyadanîna kiyan û gelekî nû bûye. Di hemû waran de ji bo vê kar kirine. Îrfanekî kurdî û şoreşgerî berhem aniye û bingeh ji bo afirandina îslamekî kurdî jî xweş kiriye. Hişyerî û baweriya bi xwe berhem aniye. Herwiha di mijara jin, aborî, sirûşt û peywendiyên di navbera tekyeyan de guhertinên mezin kiriye.”

Nivîskar Şêrokî anî ziman: “Piştî salên 1930an, Barzaniyan bi tevê wêranî, derbiderî û şerê bênavber, bi temamî nêzîkî statûyeke jiyarî û serbixwe bûne.”

Nivîskarê Kurd destnîşan kir, ku nabe tenê weke babeteke dîrokî li pirtûkê bê nêrîn û got: “Ev nivîsîn ne tenê dîrok e, wate mebesta pirtûkê tenê ne ew e, ku balê bikişin ser dîroka deverekê, yan şoreşek û gelekê ku li gorî rojimêrê bûyerên wê hatibin rêzkirin. Mebesta vê pirtûkê çend xalek in ku bi hev re bi yek nedaze û yek ast hatine bikaranîn.”

Rûdaw

Hûn dikarin van nivîsan jî bixwînin.

Gelo “Li Peravên Donê” berhema Şoloxov e?

Sala 1965an Xelata Nobelê ya Edebiyatê di rikeberiyeke tund di navbera çend nivîskarên mezin de …

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir