Sêşem , Îlon 25 2018
Malper / Agahî-Nûçe / Daxuyaniya Dawî ya Semînarê Rojên Wêjeya Kurdî (Bi sê zaravayên Kurdî)

Daxuyaniya Dawî ya Semînarê Rojên Wêjeya Kurdî (Bi sê zaravayên Kurdî)

-Nirxandina Islama Siyasî di eyneya (neynika) wêjeya Kurdî de

03.08. – 05.08.2018

 

Li ser vexwendina Navenda PENa Kurd bi boneya salvegera qirkirina gelê me li Shingalê

di rojên 03.08.- 05.08.2018 de 49 nivîskar, helbestvan, rojnamevan, weshanger, mamosteyên zimanê kurdî û hijmarek ji rewshenbîrên kurd li bajarê Braunscheigê / Elmaniya li hev kom bûn.

Semînar bi rawestana yek xuleyê li ser giyanê cangoriyên tevgera raman azad li cihanê, rizgariya neteweyî yî kurdî, cangorî û goriyên qirkirina Shingalê û sirûda Ey Reqîb destpêkir.

Pishtî xwe bihevdannaskirinê 5 gotarên zanistî di biwara Islama Siyasî de hatin pêshkêshkirin. Gotarvan di axiftinên xwe de li ser dîroka ramanên fîlosofî û pêkhatina olan/ayînan rawestiyan. Wan islamkirina Kurdistanê û bandora ola/ayîna islamî li ser civaka Kurdistanê shirovekir.

Di pisht re beshdarên civînê bi berhemên xwe yî wêjeyî ramanên olî û bandora wan li civaka Kurdistanê neynik kirin.

Giyanê yekbûnê di nav hemû beshdarên seminar de li ser van bingehan bi cih hat:

 

  • divê em ol /ayîn û siyastê ji hev cida bikin.
  • wêjeya kurdî neynika civaka me yî pirreng û dewlemend e.
  • erkê rewşenbîr û wêjevanên kurd e, ku ew li gor ûjdanê gel tevbigerin û li nirx û bihayên mirovdostiyê, pirrengiyê û toleransê xwedî derkevin.
  • Tundrewî di hemû ol û ayînan de li dijî nirxên dêmokratî û şaristaniya mirovayetiyê ye.
  • ezmûneya gelê me bi tundrewên Islama Siyasî re nîshan dide, ku pergala Islama Siyasî pir caran bûye pergala zordestî û stimkariyê.
  • Nexwendewarî derfetê li ber ramanên olî/ayînî yî tundrew vedike, ji ber vê yekê divê bi her awayî sherê nexwendewariyê li Kurdistanê were kirin.
  • qirkirina gelê me li Shingalê bi destên hovên tundrewên Islama Siyasî tê shermezar û reswa kirin.
  • Kurdistan cihê pirrengiya, ol/ayîn û baweriyan e, divê ramanên azad û demokratî herdem tê de werin parasyin.
  • pirrengiya Kurdistanê bi bicihkirina mafên kêmnetew û olan di zagona bingehîn de tê parastin.

 

Beshdarên semînarê

“Nirxandina Islama Siyasî di eyneya (neynika) wêjeya Kurdî de”

Braunschweig, 05.08.2018

 

Navenda PENa Kurd

15.08.2018

 

 

ڕاگەیەندراوی کۆتایی سيمیناری وێژەی کوردی

تاوتوێکردنی ئیسلامی سیاسی لە ئاوێنەی وێژەی کوردیدا

٣ی ئاب بۆ ٥ی ئابی ٢٠١٨

 

لە ڕۆژانی ٣بۆ ٥ی ئابی ٢٠١٨، بەبۆنەی ساڵیادی کۆمەڵکوژکردنی خەڵکی شەنگالەوە و لەسەر بانگهێشتی ناوەندی (PENkurd) نووسەر، شاعر، ڕۆژنامەنووس، ڕاگەیاندکار، مامۆستایانی زمانی کوردی و ژمارەیەک رۆشنبیری کورد لە شاریبراونشڤایگی ئەڵمانیا کۆبوونەوە.

 

سێمینارەکە بە خولەکێک بێدەنگی بۆ ڕێزگرتن لە گیانی جەنگاوەرانی بیروڕای ئازاد لە جیهان، ڕزگاری نەتەوەی کورد و هەروەها یادی کۆمەڵکوژیی شەنگال دەستیپێکرد، پاشان سرودی ئەی ڕەقیب وترایەوە.

 

پاش ناسینی یەکتر و خۆناساندنی بەشداربووان، پێنج وتاری زانستی لە بواری ئیسلامی سیاسی پێشکەش کران، لە وتارەکاندا باس لە مێژووی بیروڕای فەلسەفی لەبارەی ئایینەکان کرا، هەروەها بەئیسلامکردنی کوردستان و کاریگەریی ئایینی ئیسلام بۆسەرکۆمەڵگای کوردستان نرخێندرا.

 

پاشان بەشداربووانی کۆبوونەوەکە بەرهەمە وێژەییەکانیان لەبارەی بیروڕای ئاینی و کاریگەرییەکانی لەسەر کۆمەڵگای کوردستان پێشکەش کرد.

 

لەکۆتاییدا هەموو بەشداربوانی سێمینارەکە لە سەر ئەم خاڵانە وەک ئەنجامنامە ڕێککەوتن:

 

– پێویستە ئاین و سیاسەت لەیەکدی جیابکرێنەوە.

– وێژەی کوردی ئاوێنەی کۆمەڵگای ئێمەیە و فرەڕەنگ و دەوڵەمەندە.

– ئەرکی ڕۆشنبیرانی کورد ئەوەیە، کە لە بەگوێڕەی ویژدانی گەل بجووڵێنەوە و پشتگیریی بەها مرۆییەکان و فرەڕەنگییەکان بکەن.

– توندڕۆیی لە هەموو ئاینێکدا لەدژی دیموکراسی سیاسەتی مرۆڤانەیە.

– ئەزمونی گەلەکەمان لە توندرۆیی ئاینیدا دەیسەلمێنێت، کە زۆر جار دەسەڵاتی ئیسلامی سیاسی بووەتە سیستمی باڵادەست و زۆردار.

– نەخوێندەواریی ڕێگا خۆشكەرە بۆ توندڕۆیی ئاینی،  بۆیە پێویستە بە هەموو شێوەکان لەدژی نەخوێندەواری شەڕ بکرێت.

– شەرمەزارکردنی کۆمەڵکوژیی خەڵکی شەنگال لەلایەن دڕەندەیی ئیسلامی سیاسییەوە.

– کوردستان شوێنێکی فرەئاین و فرەباوەڕییە، پێویستە پشتگیریی بیروڕای ئازاد و دیموکرات بکرێت.

– فرەئاینی کوردستان و جێبەجێکردنی مافی کەمەنەتەوەکان لە جوگرافیای کوردستاندا دەبێت لە دەستووری بنەڕەتیدا (یان پەیڕەوی ناوخۆ) دیاری بکرێت.

 

ناوەندی (PENkurd)

 

 

 

Beyanatê Peyîn yê Semînerê Rojanê Edebîyatê Kurdî

-Eynaya Edebîyatê Kurdî de Munaqeşekerdişê Îslamê Sîyasî 

03.08. – 05.08.2018

 

Bi munasebetê serrgêra qirkerdişê şarê ma yê Şingalî wesênayişê merkezê PENa Kurd ser o rojanê 03.08.- 05.08.2018 de 49 nuştox, şair, rojnameger, weşanger, malimê ziwanê kurdî û roşinbîrê kurdî bajarê Braunscheig yê Almanya de kom bîyî.

Semînerî bi deqayêk vindertişê hurmetî yê semedê ruhê heme şehîdanê cîhan de azadîya fikrî, azadîya neteweyî ya miletê kurdî, şehîd û mezlûmanê qirkerdişê Şingalî bi marşa neteweyî ya kurdan Ey Reqîbî dest pêkerd. Badê ke beşdaran yewbînî şinasna 5 teblîxê zanistî yê derheqê îslamê sîyasî de ameyî pêşkêşkerdiş. Panelîstan qiseykerdişê xwu de tarîxê fikrê felsefî û pêameyişê dînan vindertî û misliman kerdişê Kurdistanî û şarê Kurdistanî ser o tesîrê dînê îslamî şîrove kerd.

Dima beşdaranê kombiyayişî bi eseranê xwu yê edebî eyna da fikrê dînî û tesîrê ci yê komelê Kurdistanî ser.

 

Fikr û helwêstê beşdaranê semînerî bingeyê enê madeyanê cêrînan de ame ca:

  • Gereka ma dîn û sîyasetî yewbînan ra cîya bikin.
  • Edebîyatê kurdî eynaya komelê ma yê zafreng û dewlemendî yo.
  • Wezîfeyê roşinbîr û edîbanê kurdan eno yo ke wijdanê şarî gore hereket bikerê, wayirîye ro erj û qîymetê merdimîye, zafrengîye û toleransî bikerê.
  • Şîdet heme dîn û bawerîyan de vera erjanê demokratîkî û medenîyetê merdimîye yo.
  • Tecrubeyê şarê ma derheqê şîdetê îslamê sîyasî de nîşan dano ke sîstemê îslamê sîyasî zafê reyan biyo sîstemê zordestî û tehda.
  • Cehalet vera fikrê dînî yê şîdetî de rayir akeno, coka Kurdistan de ganî vera cehaletî de mucadele bêro kerdiş.
  • Ma Şingal de bi destê hovanê şedadanê îslamê sîyasî de qirkerdişê şarê ma şermezar û riswa kenê.
  • Kurdistan warê zafrengîya dînan û bawerîyan o, gereka fikrê azad û demokratîkî tim tede muhafeze bibê.
  • Zafrengîya Kurdistanî heqê eqalîyetan qanûnê esasî de gereka bêrê pawitiş.

 

Beşdarê semînerî

Eynaya Edebîyatê Kurdî de Munaqeşekerdişê Îslamê Sîyasî

Braunschweig, 05.08.2018

 

Navenda PENa Kurd

15.08.2018

 

Hûn dikarin van nivîsan jî bixwînin.

Li Fuara Pirtûkan a Diyarbekirê Nûbihar Wê Çalakiyan Lidarbixe

Wek gelek weşanxaneyên kurdewar Nûbihar jî beşdarî 6. Fuara Pirtûkan a Diyarbekirê dibe. Weşanxaneya ku …

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir