Pazar , Nisan 18 2021

GERA BÊGAVÎ

Dîsa dilê min fûriya, serê min gêj bû

Bêhna min çikiya

Mêlaka min der bû

Hestên min bûn babilîsk

Li hev geriyan

Mîna evînên berovajî

Û gera bêgavî ez westiyam.

* * * *

Guliyên kezîzera min

Ji ber çavê min wendayî

Û çavên wê yê şîn

Weke şervanekî birîndar

tîrek kevana di laşê min de çikyayî

* * * *

Dem û dewran hatin ber çavê min

Kul û derdê min herikîn

Jan û jariya ez hûnandim

Li qesr û eyana

Lehengên li ser eniyên fireh bi temberî

Kezîzerên bêhna guliyên wan emberî

Hatin bîra min

* * * *

Hinava min bi kul û derdan bû birîn

Min xwest helbestekê binivîsim

Ku bilbil ji gulê ra bike evîn

Li deşt û çiya belav bike

Ku ev helbest bikeve dilê evîndara

Bibe bendên hezkirinê û hêlîna evînê

* * * *

Baran di demsala xwe de bibare

Ser kanî di xweza ya xwe de biherikin, bibin sulav

Evîndar destê hev bigrin bimeş in gav bi gav

Berf bi gulgulîniya xwe, pêrgîniyê bike

Berf bi gulgulîna xwe, pêrgîniyê bike

Di zivistanên welatê min da….

* * * *

Û di biharên erdnigariya agir û rojê da

Sosin û beybûn geliya bixemilînin.

Nergiz û kulîlk bi rengê azadiyê  bibişkuvin

Aramî û aşitî bibe bandorek bê dawî

Payîz bibin şahiya keç û ciwanan leheng

Tirinca rojê û ezmanên sayî

Li çarhawêrên welat bibin, bibin xemlên xwezayî

Û agirê azadiyê hetawhetayî vêxistî bimîne

Di civakan de bibin mijar, bi xêrxwazî û rêzdarî

Xort û keç mîrazên xwe, bê tirs pêk bînin

Suwariyên zîrek, pêşbirkê bikin

Dê û bav, zarok û zêc di deryaya de nefetisin

Dengbêj û stranbêj;

Bi kilamên şer û cengên azadiyê, rewşa civaka bixemilînin

Bê xemgînî û nalînî

Dar û daristan bibin bax û gulîstan

Balinde bi asayî li ezmana bifirin

Neçirwanên bê rehm li zinaran xwuyanî nekin

Ajelên kovî, li çiyan bi asayî biçêrin

Çav xezal bi azadi di govenda de dîlanê bikin

Bi taqî û kirasên xwe herin şahiyê newroza

Çolistan bi gulên azadiyê reng bidin.

Bihar bi bêhna azadiyê bifûrin

Cangorî bi van dîmenan şad bibin

Şivan bi dengê bilurên xwe, dilên lehenga bisotînin

Koçer li zozan û germiyana bi azadî pezên xwe biçêrînin

Tevahiya gerdûn ji xwe şerm bike,

Mafê mirovahiyê biparêze

Vê dîmenê ji vî milletê aşîtîxwaz re zêde nebîne…nebîne…nebine!

Mamoste Baqî

 

About ziman

Avatar

Check Also

Rojnameyê Tercumanê Heqîqet ra yew xebere

Gama ke dewleta Usmanîyan êdî rijîyena, tirkî û kurdî piya wazenê yew dewlete ronê. Çimkî …

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir