Pêncşem , 1 Cotmeh 2020

Qewaxêre û Kuye

Serê wisarî, qewaxêri ver de yew kuye zîl dona. Û germ û varan çiqas ke zêydîno kuye zî hende pêşîyena qama qewaxêri ro û bena derg. Yew zeman ra pey vecîna tîtikê qewaxêri. Û agêrena qewaxêri ra vona:

– Ti çend aşmon de ameya ino sewîye?

Qewaxêri vona:

– Ez des serrî de ameyo ino sewîye.

Kuye  huyena, gil û pelanê xwu qewaxêri ra têşanena vona:

– Ez di aşmî de ameya sewîyeyê to, bew!

Qewaxêri vona:

– Raşt a. Ti di aşmî de ameya resaya mi!

Rojî rojon aşmî aşmon fetelnenî, beno payîz. Vayê payîzî dano kuye ro, kuye recifîyena. Dima pelê ayi yenî war. Yew dem ra pey rasilîyena û ginena erd ro.

Kuye erd ra ewnîyêna qewaxêri ra, vona:

– Wayê ino halê mi se beno?

Qewaxêri cor de ewnîna ti ra vona:

– Ti ha mirena!

Kuye vona:

– Qeyî?

Qewaxêri vona:

– Cayo ke ez des serrî de ameya, ti di aşmî de ameya, aye ra!

Mistefa Gomayij-Zazaki.net

Derbar ziman

Avatar

Dikarê vê jî bixwênê

Gelek Kurd ji mîkrofonên qenalên kurdî ditirsin

Bernameçêker, Mehdî Mutluyî ji Ortadogu Newsê re diyar kir ku naveroka bernameyan qasî teknîkê pêş …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.