Kî Nebêje Rast e

Dibêjin rastî çiye nabêjin

Her rojan bi were xûyaye,

Kî dikare bêje bê dîtin vaye

Têgeh û dîtin bi hevre ye.

 

Roja tu korbûyî bi çevan

Te hinda kiriye ezmûn û vîn

Karê te nîne bêjî erk wahaye

Jiyan yeke nabe didu eşkeraye.

 

Bawerî û îman qal û peyv e

Dîn yeke bi Îslam nav bûye.

Pirtûk û resûl şerîeta demê ye.

Hêza rastî ewê têdigêhêje.

 

Terîfa rengan vaye xweza

Nasnama milet axaftina ziman

Hêstên hesûdî dibin ejderha

Çi li ber ket dixwe tim birçiye.

 

Dibe celad bi navê Xweda

Payirvantî dike bibe paşa

Serî digre bi terîfa ewran

Kafir ewin ê bê dad dijîn.

 

Xweda daye aqil şane û mêjî

Terîf dike binbîr xezîne ye

Kilît û nifte daye bi çevan

Tê bigêha bêje bi ziman,

 

Mal û milk xweyîtî bi ked e

Parve bike fikra qencî dad  e

Xizmeta mirovahî îbadet e

Mûkafat bi par dibî qîmete.

 

Hestên hezkirinê dibe rûmet

Li hev nekin dek û boblat,

Xeyal şikest dibe kîn û nefret

Her roj nexweşî bi mereqan.

 

Behçet Ateş – 05.05.2024