ELİK Û FATİK

Meselê El û Fat, El û Fat dadiyê yin mirena bavî yin şinû yinerî damariyêk anû, xu rî zewejyênû bena damariyê yin. Tedayî li yin kena igu senkî dadî a damarî yin igu senkî yin vinîkû, igu sênkî vinîkû ana wextê  cite di zemanû ze miyerik êgû genimi xu xu berû berzû, ana genimê cê suejnena, qelênena genim nêbû hêşîn. Miyerik genim bênû erzênû, qelênena genim bênû erzênû. Genimê hemmina bênû hêşîn yin nêbenû hêşîn. Vanû mago seki se niyeki a damarî vana ti’û şî seri ziyareti, vanû zîyareti igû ti ra çîkêk vajû. Zemanû ze ti şî seri ziyareti ricê xu biki igû ziyareti ti ra çîkêk vajû. Miyerik zeman’ûg ze igû şû seri ziyareti, daam…Cînîyê cê veri cê şina kuna o ma vatê kurnî dari, şina kuna kurnî dari.

Miyerik  yenû  seri  ziyareti  vêndênû  ziyaret, cînîyê  cê  o  nimitîya,  cînîya  vana  haaa!  Vanû  ziyaret  genimi  hemmina  biyû  hêşîn,  vanû  ê  min  nêbiyû  hêşîn. Çira?  A  vana:  cînîyê  cê  tabî  o  a  nimitîya  cînîyê  cê  wa,  zîyaret  niyevana. Cînîyê  cê  vana, vana  ti’û  Fatik serî  xeta  sari  bivirnî,  Elikî  binî  xeta  sari  bivirnî. Eg  guniyê  yin  resapî  igûû  genimî  ti  hêşînvû.

O  çax  mîrçikê  El  û  Fat  estaa  yanû  xurî  pawita  çî  do  ci  mîrçike  zî  o  a  gueştaryê  yin  kena,  gueştariyê  yin  kenaa,  yên  kî,  yên  kî  vanî  cînêk  vana  cînîyê  cê  te  ra… Cînîyê  cê  rêna  verî  cê  yena  kî,  Vana  ziyaret  ti  ra  va  se,  inû  niyevanû  niyevanû  ziyaret  vatû  ti’û  tûtanî  xu  sari  bivirnî.  İgû  genimî  ti  hêşinvû. Yanû  kenû  nîyenûû, cînek  kena  niyekena  mîyerdê  ca  ye  ci  ra  nîyevanû.  Bavî  El  û  Fat  te  ra  nîyevanû  mesela  hinewaa.  Vana  ti  nîyevacî  hinakî  zîyaret  mi  ra  hinakî  va.

Vanû   ma’û  seki,  vana  ma’û  bîyari  cilanî  yin anî  weşa  bidî  yine  ra  o  yinerî  rouwenîn  ka  weş  virazî  o  ma’û  vaj  ma  şinî  gezmax,  vanû  ber  o  a  û  vanû  saribivirni  igû  gunî  yin  biresopî  igu  genimî  ma  hêşînvû.

Zemanû  ze  cilanî  xu  danî  xu  ra  nanî  xu  wenî,  mîrçik  yen  ava  ma  vatî  hil  çûçan  hil  çûçan  bidî  mi  piranêk  nan  ezû  şimarê  bikerî  xeverdayişêk.  El  pêra  nanû  dima  Fat  vana  dê  ma  piranêk  nan  bid  ci  belkî  ti  dî  ma  ra  çîkêko  baş  va.  Ze  nan  danî  ci  vana  wele  şima  benî  sari  birnenî  qê  ze  genimî  yin…guniyê  şima  biresûpî  qey  ze  genim  yin  bivû  hêşîn.  O  ara  vanû  şima’û  seki  se  niyeki  vanû  wa  Fat  bideyû  kelawî  ti  ra  Elo  ooo  ti’z  bideyi…ze  şima  şî  o  a  ti  zî  bideyi  mûranî  caye  ra  o  pêra  binanî  jûbînan  dima  vana  memleket  terk  bikê  şiyê  yanê  şima  sari  birnênî  ina  cînek  şima  kena  vinî.

Zemani  ze  şinî  o  hindavê  saribivirnê  ini  Fat  deyena  kelawê  Elî  ra  o  El  deyenû  mûran  ra   o  vanû  kelawê  mi  a  vana  mûrê  mi  pêra  nanî  jûbînan  dima  şinî,  şinî,  şinî  kunî  mixarê  ke.  Pîr  esta  mixara  di,  pîra  hot  sari, pîra  hot  sari  o  a  yin  qefelnena,  yin  qefelnena  kena  kewari, cê  mewijan  û  şekeri  vanû  vanû  wa  xurtîvê  ezû  buerî,  ze  ez  yin  puej  bueri.  Xurî  o  a  vera  pê  engiştê  xu  cêke  ra  danî  pîri  dê  hela  bîyî  xurtî  nîyevî  xurtî,  xu  rî  qemçikê  merê  qefelnenî,  xu  rê  qemçikê  merê  qefelnênî  çiqa  pîr  yena  yena  engîşt  wazena  ê  qemçikê  merê  dane  nanê  pîr  desta.  Vana  lawooo  buerê  vana  şima  hema  zîîfî,  vanû  buerê.  Werhasil  hinkî  çira  qemçikê  merê  niyekenî  vinî, qemçikê  merê  xu  kenî  vinî,  engiştê  xu  nanî  pîr desta.  Pîr  vana  temamû  şima  bîyî  xurtî.  Pîr  ana  di  sîtilan  girênena  igu  hengolik  serû  virazena  igu  yina  bikû  hengolik  û  o  tiyedeşanû  o  yin  bikû  ze  ê  sîtilan  poujû  yin  buerû.  Vana  anî  vana  şima’û  bikui…yine  ra  vana  şima’û  ina  hengolik  xu  tiyedeşanî.  Ez  yanî  şima  hindî  serbestî  yine  ra  nîyevana  ez  şima  wena.  Heta  a  gav  yine  ra  niyevatû  e  şima  wena.  Vana  şima  êrû  kaykinê  xu  rî.  Elik  famkênû,  Elik  famkenû  pîr  yinerî  tûzax  hazirlamîş  kerdû.  Elik  pîre  ra  vanû  de  ewil  ti  bikû  ci  ma  bimûsni,  ma  hema  niyezanî,  vanû  ti ma  bimûsni .  Pîri  kuna  ze  ê  hengolik  vana  lawo  kiçi  hina  kenû  a  hina  kenû  o  Elik  hengolik  qelevnenû  pîr  kenû  ze  ê  êwki,  pîr  kenû  ze  ê  beruweşî  ‘û  vanû  bil  bil  bil  heta  vanû  mi  na  fekî  bavî  şima,  şima  na  fekî  bavî  mi  û  pîr  fetesyena  mesele  yin  qedeyena.

 

Arêkerdox: Amine  BAYRAM

Vatox: Mekî  NARINÇ

Sere: 2016

Ca: Diyarbakır/Kulp  Demirli  Köyü (Text)

 

Vatişê  Verînan

• Mere nêşkeno  şêro  qule, qezi  nano  qemçikê  xu  wa
• ­Zimano leqe  leq  sere  wo  teqe  req
• Varikê newey  wirzenêwe  akanê  sûra  kene
• Bi şewe  beyrê  xu,  bi  roc  fekê  xu  pane
• Biza pîre  rocê  şilîye  şina  kolîya
• Asparê herîyo  ro  herî  geyreno
• Cînîka koçere  nevana  doyê  mi   tirşo
• Homey dorêk  derik  û  dîwanê  xu  ra  eşto
• Pey vatişa  weşe  mar  qulê  xu  ra  vecyeno
• Homa ko  vîneno,  vewre  pero  varneno
• Her vano  paşê  şirawito  mi  dima,  ne  fekê  mi  fekê  zirnawo  ne  zî  linge  mi  lingê  govendey
• Her çi  zano  cew  boro
• Fekê pisînge  nêresa  mast  va  mast  tirşo
• Kutikê ma  wo  şino  verê  beyrê  şarî  de  laweno
• Adir kewto  kê  zûrekerî,  kesî  bawer  nêkerdo
• Kutikî bimrê,  verganrê  roşan o
• Fek ra  dosto,  zere  ra  duşman o

 

Arêkerdox: Amine  BAYRAM

Vatox: Remziye  BAYRAM

Sere: 2017

Ca: Diyarbakır/Kulp  Kurudere  Köyü