ÇandName Li pey şopa bav û kalan…
(Kullîyatê Rîsaleyanê Nurî Ra)
[bîyedîhîl xeyr] yanî her xeyr destê Ey de yo. Her çîyo xeyrêno ke şima kenî, derbazê defterê Ey beno [defterê Ey de yeno nuştiş]. Her emelo salîhêno ke şima kenî, Ey heti de qeyd beno. Hayo, na kelîma, nîdayê cinan û însanan kena, mizgîn dana. Vana ke:
Hey bêçareyînî! Gama şima bar kerd şîy mezelan, mevajînî “Heywax, malê ma bi xirab, keda ma şî veng ra. Na dunyaya rind û hera ra ma vejey, şîy dekewtî yew herra tengi.” Feryad mekerînî û bêhêvî mebînî. Çimka, heme çîyê şima mehfize beno/ yeno seveknayîş. Her kerdeyê şima ameyo nuştiş. Her xizmetê şima qeyd bîyo. Mukafatê xizmetan dayox û heme xeyr destê ey de beye û şekerdoxê/ besekerdoxê heme xeyran, yew Zato Zulcelal şima kiranceno, ano bindê erdî de, demêko kilm, dano ‘edilnayîş, badî ano huzurê xo. Werrekê şima ke, şima xizmetê xo û wezîfeyê xo qedîna. Ezêtê şima qedîya; şima şonî verbi rehetey û rehmetey. Xizmet û meşeqet qedîya; şima şonî destmijê xo gênî.
Êya, Qadîro Zulcelal, senî bezre û dendikan mehfize keno, ke rîpelê defterê ‘emel yê wesarê ravîyarteyî yî û sandoqê xizmetê wesarê parênî yî, hatiki ‘eslê înan ra se derece dahîna bereketin yew şekil de mehfize keno û wesaro dîyin de înan gelek bi şaşaa, [newe ra] neşr keno. Helbet, netîceyê heyatê şima zî otir mehfize keno û mukafatê xizmetê şima, go yew şeklo gelek zêde bido.
Bedîûzzeman Seîdê Kurdî
Maqamo Yewin yê Mektubê Vîstinî ra, Kelîmaya Newini
Açarnayox: Serdar Bedirxan
nîda: seslenme, çağırma, bağırma
seveknayene: korumak, muhafaza etmek
şe kerdene: –e bilmek, yapabilmek, edebilmek
besekerdene: –e bilmek, güç yetirebilmek, üstesinden gelebilmek
Zato Zulcelal : sonsuz haşmet ve yücelik sahibi Zât
destmij: ücret, mükafat
Qadîro Zulcelal: sonsuz haşmet ve yücelik sahibi ve kudreti herşeyi kuşatan Allah
