Her wext, miyante yê qum û ko de, inî qeraxan ra geyreno.
Med Cezir, rîyeçê payan mi esteren, va, ko vadano.
Labêra dengiz û qerax her wext cay xwi de vindeno.
***
Yew demme, mi mij ke laşê destê xwi, dima mi destê xwi kerd a,
Mi hê dî mij bû tertûre, û mi destê xwi girewte û mi honcî kerd a,
İna rey miyantey laşê destê mi de yew merdim;
yew merdim ku rî yî bi dec û keder, ho ewnîyeno xwi wa cuwar.
Dima honcî mi destê xwi girewte u cade mi honcî dest xwi kerd a,
Teyna mij mi ra eysa, û lawikî bêtam ameyî mi gueşa..
***
Vizyêr, ez bi xwi fikrîyo û mi xeyal kerd, mi va ez yew urdale wo,
Zerrey çarberî cuweyî de ho recifîyeno, bêfasal u bêusul.
Labêra eyro, ez zano ku çarber ez o.
Û cuwe, seraser urdaleyî biusul u bifasal a, mi zerre de kay kenî.
Nîşe:
Qerax: kişte awke (sahîl), Urdale: zerre, Vadano: va dayiş , hawa eştiş.
Eyî ku tado kirdkî: Mehmet Ali Konar – Xelîl Cibran
Çavkanî; Kovara Pênavê – Hejmara 3yan (2011-2012)