Vuslatê Herre

Tı zanena, ez ewro koti de bîyone?
Ewro ez yew tîyatro de bîyone ke;
Tede kesanê bînan qandê ceneti,
Kesanê bînan zî qandê cehenemi rawa kerdêne.
Çepikê ae tîyatroyi duayî bî;
Be besmele dest pêkerd, be amîn peynî rona.
Kamo ke zerreê derten de xeniqîya,
Kamo ke zerreê mizgînyan de amê semsanayene.
Ewro mı yew dên dı guret,
Dar u tewte pıra amêpêşayene…
Vaxto ke vanê “serê milan de gırene”,
Nêzan de no o yo dayê; herhal o zof erjaya bîyo…
Topraxe ra vuslatê ey zof ranêda,
Heme dostê xo peyê xo de verdayî.
Zê koyî yew camêrd,
Kewt zerreê tabutê de qıckeki.
Mı yew xort dên dı guret,
Xo erdi ra nabi pıra, herre dı gırewtêne mîyanê polanê
xo.
Musalla de o ke bî, piyê ey bîyo.
Wexto ke o sax bî, belka zî hende siki nêpêşabî ey ra.

Êêê dayê, merdım o…

Can ke şino, qîmetê canani nîşeno ro bedeno bêcan.
Tı zanena mı ewro se kerd?

Ez şîyone nêweşxaneyan, ez şîyone mergan…
Koti de yew xatırastene, yew xatırwaştene bîye, ez uca
de bîyone.
Ez hata otogaran zî şîyone…
Kaykerdena des deqeyan de,
Merdıman rê çend xelati dayî mı nêmordî.
O sn de her kes zê dınyaya cı rıjyaya asayêne,
Labelê des deqeyan ra dıma,
Her çi fına zê her wextî nêherıkyayêne?
A herıkyayena heyati çımê mı kerdî pırr.
Zof bîyone teng, vêsayena qetîyene nina mı ser.

Mı yew midye dît;
Vanê ke, verê coy merdıman zerreê midyeyan de
lawıkî vatêne
U dayêne yaranê xo.
Ez lawıkan nêzana dayê,
Mı zerreê na midye de yew klam vêsna;
Mı o klam na qebrê na Kurdistana ke postê xo
bedelna ser…

Azad Kaysadu

2016, Dersim