DERHEQÊ MERGÎ DE -IV-

(Kullîyatê Rîsaleyanê Nurî Ra)

[weyûmîto] Yanî, mergdayox O yo. Yanî, him senî heyatdayox O yo, him heyat girewtox, mergdayox zî hewna O yo.

Heya, merg tenya texrîb û tefîyayîş nîyo ke wa sebebî bibî wayîrê ci, pabeyê tebîetî verradîyo. Hatiki, çitur, yew bezre zahiren mireno, helisîno; labelê batinen beno heyat û mîrazê simbili, yanî heyatê [xonê] qickek ê bezreyî ra, derbazê heyatê kullî ê simbili beno. Ayawa zî, him merg zî zahiren yew vila bîyayîş û tefîyayîş biaso zî, heqîqeta xo de, semedê însanî, heyatê baqîyî rê beno pêşname, muqeddîme û destpêk. Eke winî yo, Qadîro Mutlaqo ke heyatdayox û îdarekerdox o, hewna muheqqeq himmergî zî O îcad keno.

Ma yew delîlo tewr gird yê Mertebeyê tewr berz yê tewhîdî rê, ke na kelîma de yo, no tewir îşaret kenîme:

Hawawo ke Pacaya Vîst Û Çarin yê Mektubo Hîris Û Hîrênî de vajîyayo, no mewcûdat, pê îradeyê îlahîyî herikbar o. No kaînat, pê emrê Rebbanîyî geyreno/ çerixîno. No mexlûqat, pê îznê Îlahî, mîyanê royê zemanî de her daîm herikîno, alemê ğeybî ra yeno erşa witiş, alemê şehadetî de wucûdo zahîrî yeno piradayîş, dima bi alemê ğeybî ro bi muntezem vareno, yeno war. Û pê emrê Rebbanî, her daîm îstîqbalî ra yeno, ser dano wextê nikayinî ro, cêf gêno, dever dîyeno ro demê vîyarteyî.

Hayo, nê herikîyayîşê nê mexlûqatî, dayreyê rehmet û îhsanî de gelek hakîmane; û fetilîyayîşê ey, dayreyê hîkmet û întîzamî de gelek alimane; û têgeyrayîşê ey, dayreyê şefqet û mîzanî de gelek rehîmane, sere ra heta bin, ebi hîkmetan, ebi meslehetan, ebi netîceyan û ebi ğayeyan yeno ankerdiş/ viraştiş. Demeg, yew Qadîro Zulcelal, yew Hakîmo Zulkemal, her daîm pê qudretê xo, taîfeyanê mewcûdatî rê, û her ferdanê ay taifeyan rê, û ay taîfeyan ra muteşekîl aleman rê, heyat dano, bi no hawa înan wezîfedar keno, dima ebi hîkmetê xo terhis dano înan, înan mezherê mergî keno, erşaweno alemê ğeybî, dayreyê qudretî ra qelibneno dayreyê îlmî.

Hayo, yewdo ke besenê kero nê kaînatî heme mewcûdatê ci reyra biçerixno, û hukmê ey heme zemanan rê nêvîyaro, û qudretê ey qîm nêkero ke hezey yew ferdî, heyat û mergî biresno aleman, û nêeşko hezeyyew viliki, heyat bido wesaran û înan rîyê erdî ra bikero, badî zî, merg reyra, nêeşko înan tira bikero, bîgro, hîç mumkin o ke kesêndo winayin merg û mirnayîş rê wayîr vejîyo? Êya, mergê yew cudarê tewr qicekî zî, sey heyatê ci, zerûrî yo ke ebi qanûnê, îznê, emrê, qewetê, îlmê yew Zatê Zulcelalî ra bibo, ke heme heqîqetê heyat û heme bêj mewt destê ey de yo.

Bedîuzzeman Se’îdê Kurdî

(Maqamo Dîyin yê Mektubê Vîstinî ra, Kelîmaya Hewtini)

Açarnayox: Serdar Bedirxan

Vajnameyeko Kirdkî-Tirkî

bezra: tohum

mîraz: maya

simbil: zambakgillerden bir süs bitkisi

pêşname: ünvan

herikbar: akıcı

ebi: ile