QÎMETÎ SUNETÊ PÊXAMBERÎ –III-

Kullîyatê Rîsaleyanê Nurî Ra

                                    “Vaji: Eke şima Homay ra hes kenî, tabîyê mi bibînî ke wa pey Homa zî şima ra hes bikero.”

                                                                                                                                                      (Sûreya Alê Îmrane: 31)

Na ayete de, îcazêko mucîzeyin est o. Çimka, zaf cumleyî, debîyî mîyanê nê hîrê cumleyan. Winî yo ke:

Na ayete vana ke: “Eke bawerîya şima Ellahî (celle celaluhû) est a, helbet şima go Ey ra hes bikerî. Madem şima Ellahî ra hes kenî; terzo ke Ellah tira hes keno, şima go o tewir bikerî. Û ay terzo ke [Ellah] tira heskeno [no yo ke]: Gerek şima ro bimanî zato ke Ellah ci ra hes keno. Ro ci mendene zî, tabîyê ci bîyayene yo. Çi gam ke şima tabîyê ci bîbî, Ellah zî şima ra hes keno. Xuma şima Ellahî ra hes kenî, ta ke Ellah zî şima ra hes bikero.”

Hayo, nê cumleyî pêro, tena mealêko xulasa û kilm yê na ayete yî. Naye ra fam beno ke, seba însanî, ğayeyo/ meqsedo tewr muhîm û berz; mezherê muhabbetê Cenabê Heqî bîyayîş o. Bi hukmê na ayete ra nawneno ke, rayîrê ê mirad û meqsûdê pîlî, tabîyê Hebîbûllahî bîyayîş o û Sunetê Senîyeyê ey xo rê nimûne girotiş o. (Nukteyo 10. yê Lem’aya 11. ra)

 

Bedîuzzeman Se’îdê Nursî

Açarnayox: Serdar Bedirxan

 

Vaynameyeko Kirdkî-Tirkî

îcaz       :veciz söz söyleme, az sözle çok mânâlar anlatma

o tewir  : o şekil(de)

… mendene: benzemek

xuma    : zaten

xulasa   : özet

mezher: erişmek, ulaşmak, nâil olmak