Dêrsim de şayîya Gaxanî virazîya

Roşanê Kal Gaxanî roşano qedîm ê kurdan o ke bi taybetî şaristananê sey Çewlîg, Dêrsim, Erzingan, Mûş û Erziromî de yeno pîrozkerdene. Gaxan ameyîşê serra newîye yo.

Dêrsim de emser zî Gaxan bi şayî û aktîvîteyan ame pîrozkerdene.

Gaxan kultur û bawerîya elewîyanê zazayan de şayîya serra newîye ya. Gaxan emser zî bi coş ame pîrozkerdene.

Hemwelatîyan pê wesayîtan keye bi keye gêrayî û înan pê govendan şayîye kerde. Hemwelatîyan şayîye de kincê rengînî dayî xo ra.

Taxan ra dima hemwelatîyî Meydanê Seyîd Rizayî de ameyî pêser û şayîya xo viraşte.

Dima ra loqmayî ameyî vilakerdene û pê dûayan findî ameyî tavistene.

rupelanu.com