Yekşem , 16 Gulan 2021

“Zerza” û “Zaza”

Nuştoxê ma Şahab Laçînî mi rê tayê belgeyê Usmanîyan şirawitî. Va “Mi enê belgeyî hesabê Twitter yê Mufîd Yukselî ra girewtê.”

Va “Mufîd Yukselî binê di belgeyan de ‘Zazalar, Zaza topluluğu/tâifesi ile ilgili 1119/1708 Tarihli İki Osmanlı Arşiv Belgesi’ nuşto.

Binê şeş belgeyan de zî îbareyê ‘Zazalar, Zaza topluluğu/tâifesi ile ilgili 16. Yüzyıl Osmanlı Arşiv Belgeleri’ nuşto.”

Labelê mi bala xwu da ke belgeyê şeşin û belgeyê diyin eynî yê. Mendî hewt belgeyî. Enê hewt belgeyan ra zî tenya yew belge de îbareyê “Zaza aşiretinden” vîyareno. Yanî behsê enê Zazayanê ewroyî keno. Eno belge 1708 nusîyayo.

Kek Wisiv Zozanî eno belge, cayo ke tede îbareyê “Zaza aşiretinden” vîyareno wina transkrîbe kerd:

Belgeyo ke tede nameyê “Zaza aşireti” viyareno ke 23 serrî badê mergê Ewliya Çelebî, serra 1708 de tenzîm biyo

“Van valisine ve Bidlis hakimine ve Van kadısına hüküm ki

Diyarbekir vovyvodalığı aklamından konar-göçer Şeyh Bızıni aşiretine arzuhal edüp üzerlerine icra olunan … kendi hallerinde mürur ve übur edüp Genç kazasına ve köylerinin toprağına dahil olduklarında 1110 senesinde Bidlis hakimi Abid Han akrabasından Abdi bey, Mahmud ağa maruf kimesneleri Mahmud ve İsmail ve Kasım ve Receb ve Abdullah ve Zaza aşiretinden Ğaybi ve Yadin ve … . İki bin mikdarı adam gönderüp emval ve erzakları nehb û garet ve yedi adamlarını biğari hak katl ve altmış…

Sene 1110 [1708]”

Belgeyanê bînan de çekuya “Zerza” viyarena. Seke cêr de asenê, cayo ke ena çeku vîyarena mi bi xêza sûre îşaret kerdî. Zaf eşkerayo ke “زرزا” nuşte yo. Çi kesê ke alfabeya erebî zanê eşkenê biwanê.

Tu eleqeyê nameyê Zerza bi Zaza çin o. Zerza nameyê yew eşîra Mukrî ya. Mufîd Yuksel zî baş zano ke enê belgeyan de nameyê “Zerza” vîyareno. Gereka merdim ey ra biperso, qey wina malumato xelet vila keno? Nîyetê ey çi yo?

 

Roşan LEZGÎN

Çime: https://rosanlezgin.blogspot.com/2020/06/zerza-u-zaza.html

About ziman

Avatar

Check Also

Hûmara 67’inan a Vate veciya

Kovara kulturî Vate ke bi kirmanckî hîrê aşmî reyke çap bena, hûmara xo ya 67’inan …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.