Pêncşem , 13 Gulan 2021

Rojnameyê Tercumanê Heqîqet ra yew xebere

Gama ke dewleta Usmanîyan êdî rijîyena, tirkî û kurdî piya wazenê yew dewlete ronê. Çimkî o wext dewletanê muqtedîran soz dabi armenîyan ke Deryayê Siyayî ra hetanî Deryayê Sipî yew dewleta pîle ya armenîyan ronê. Hema vajêne heme erdê Kurdistanê Bakurî zî dekewtêne miyanê ena dewleta armenîyan. Seba ke tirkî misliman bî û xwura dewleta Usmanîyan xîlafet zî temsîl kerdêne, coka kurdan waştêne tirkan dir piya bê.

Hûmara 14423 ya rojnameyê Tercuman-i Hakikat ke bi tirkî vejîyayne, nusxeyê roja 26 gulan 1921 de wina manşet nûşto:

“Yeni teşkil edilmiş olan Kürd süvari fırkaları da Mücahede-i Milliyeye iştirake amadedir”

Yanî, “Firqeyê suwarî yê kurdan ke newe teşkîl biyê beşdarîya Mucahedeyê Milî rê amade yê”

Binê resimê temsîlî de zî wina nûşte yo:

“Kuvâ-yı Milliye’yi takviyeye ve düşmana Kürd kılınç ve mızrağının da Türk dipçik ve süngüsü ile berâber olduğunu isbâta gelmiş ve Mustafa Kemâl ve İsmet paşalar tarafından teftîş edilmiş olan ‘aşîret-i Kürd süvârî fırkaları efrâdı”

Yanî, “Merdimê suwarî yê eşîretanê kurdan ke hetê Mistefa Kemal û Îsmet paşayan ra teftîş biyê, ameyê ke paştî bidê Hêzê Neteweyî û îsbat bikerê ke şimşîr û rimê kurdan qûndax û sungîyê tirkan dir ê”

 

Roşan Lezgîn-rosanlezgin.blogspot.com

About ziman

Avatar

Check Also

”Karîbarên Gelê Kurd” – Ahmedê Hepo

Endamê Yekîtiya Nivîskarên Azerbaycanê Ahmedê Hepo ev xebata xwe li ser heşt beşên sereke ava …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.