Naçim

Li pey te naçim

Ne ji ber ku tu giyan û pergal sivikî, ez jî ji ber hilgirtina bîranînên tijî xem û kul û derdeseriyên meh û salan, bîr û govde giran im.

Li pey te naçim

Ne ji ber ku tu hêzdar î, ez jî weke dara ku bi deh caran hatiye maltin û mîna şiqinê zirav ji bêhêziyê dilerizim, an weke kevirê ku li ber lêmiştê têra xwe li herdû rûyên geliyan ketiye, xiş û mest û lewaz im.

Li pey te naçim

Ne ji ber ku tu hêvîdar û bînfireh û rû geş î, ez jî mîna werzişvanê ku di hemû pêşbirkên berê û niha de têkçûye nema bi omîd û vîndar im.

Li pey te naçim

Ne ji ber ku rê dirêj û teng e, û ji bona rêwîtiyê tu pir hûrik û zîrek û çalak î, ez jî biqasî xwe sist û teral û gir im.

Li pey te naçim

Ne ji ber ku tu ji malbateke biçûk î ez jî ji êl û hoza te mezintir im, ne ji ber ku tu perîşan î, ez jî ji te dewlemendtir im, an ji ber ku te nexwendiye ez jî bi bayê Belgenameyan re difirim, an ji ber ku tu oldar î, ez jî gawir im.

Na ne ji ber van kelemên li jor hatine çandin li pey te naçim

Lê ji ber ku ne min xwendiye

û ne min bihîstiye

û ne min dîtiye

Ku rojekê ji rojan kesek li pey te çûye

û ew serkeftî vegeriye.

Majêd A Mihemed

Etîket: Helbest, Polylang KMR

Gotara berê:

Gotara piştî:

Gotarên Têkildar

Gelo zanîngeh xwendin bes e?

Navên ku nedihatin gotin, lê evîneke kûr di dilê wan de hebû

Bîr Neke Tu Însanî!

Tu dixwazî bila Ehmedê Xanî mamosteyê te be?

Cegerxwîn

Şîroveyeke binivîse

Nivîskarziman
Dîroka weşanê02/12/2020
Nûvekirin09/10/2026
KategorîForum
Etîket,
Hejmara peyvan255
Dema xwendinê2 deqe xwendin