Ber êvarên me

xwe vedişêrin ji dirindetîyên penceşêrî

helbesta ku ji hestan dinuqute ..

kirasek din hat lêkirin ..

bê yî ku bifikirin ..

bê yî ku ji hestên tevizî û bi êş bipirsin

cilek din bi rengê reşbînî li peyvan hat kirin

çiqas ne rinde ..

çiqas dirinde …

çiqas reşin ev lome …

bê lome bê lome …

di ber êvaran de

li pêşber rojava

diteyîse çavên hestwar

dîsa wê çi binvîse

ji ber xeyalên kuştî

xewnên fetisandî

ber êvarek dîsa

bîr û hestan pênûs kirin şive rêyên xeman

de xêz bike pênûsa ber êvarên ku ji sibê re xweşbîn dibe

 

Bawer Yekta