ZERDEÇAL Û ZENCEFÎL DERMANÊ SALXURAN IN

Xwişk û Birayên Hêja!

Kal û Pîrên Dilovan!

Guh bidin vê nivîsa min ku li ser dermanê kal û pîran e.

Ev derman ne tenê yê kal û pîran e, herweha ev derman ji bo her kesî bi mefa yeye.

Lê ji ber ku kal û pîrên me, kozika Çanda Kurdî ne, ev derman zêdetir bo wan bi sûd û mefa ye.

Ege em wek milet karibin salek jî zêdetir kal û pîrên xwe li jiyanê bigirin, xizmeteke pir mez e ji bo çanda me.

Meriv bivê nevê, Êş û kul û nexweşî li mirov peyda dibin.

Eger kal û pîrên me, her sibe li xurînî çayeke van dermanan vexwun, di nava mehekê de wê bibin mîna zêrê qal:

. Nîv kevçiyê çayê Zencefîla ton têxin şûşeyekê.

. Nîv kevçiyê çayê Zerdeçala toz, têxin şûşeyekê.

. Du-sê libik qerenfîl, têxin nava şûşeyê û ava kelandî bera serê bidin.

. Pariye leymûn biguvêşin serê û qaçilê ku maye jî têxin navê.

. 8-10 deqe şûnde, wê çayê li xurînî vexwun.

. Mehem, du meh, sê meh li vexwarinê berdewam bin.

1). Hin bi hin êşa piştê, ya movik û çokan sist dibe.

2). Xwîna we dê paqij bibe.

3). Mîde û roviyên we dê saxlem kar bikin.

4). Dawî li êşa gurçikan tê.

5). Ruhniya çavên we dê zêdetir bibe.

Û gelek êş û gelşên di laşê meriv de bi dawî dibin.

Hûn ji xerckirina pere li bo bizişk û dermanan jî rizgar dibin.

Xwedayê mezin sax, selametî û aramî bide we salxurên dilovan, xasma jî Pîrê Xerzanê ku hewqas xwe di ber Çanda Kurdî de westandiye.

Her şad û bextewer û berxwedar bin.

Hûn salxurên me di binê sîwana Xwedayê mezin de paristî bin.

Zeynelabidin Zinar