PÊNÛS Û DEFTER

Diyar e îşev, şevek tarî û dirêj e

Xem har bûne, dilê min hêjare

Şev tarî, kolan vik valane

Hestên min belewela

Serê min gêj e

 

 

Kela kela germeke dijwar

Bi ser min, hate xwar

Birîn gûrbûn, dem herikî

Weke ava sûlava, ji bendan hate xwar

Bi tenêtiya wê şevê

Xeyalên welat û hêviyên felat

Hemi derdê min hate bîra min

Tewş bûm û herikîn xeyalê min

 

Li ber pencerê rawestiyam

Di xeyalan de, li paşeroja xwe geriyam

Min xwest çend ristan binivîsim

Bi pênûsê, li ser kaxezê bineqişînim

Wan jî bi xwera har û dîn bikim

Deftera min ji xetê qelemê reş bû

Pênûsê xîret nekir, û westiya

 

 

Li welatê xerîbiyê ber banga sibê

Bi hestên berovajî, wê şevê mam bi tenê

Xewa min nehat û nikarîbûm razam

Bi çûn û hatinê fikirîm gelekî

Dilê min bi min şewitî û ez giriyam

 

Kaxez hebû, hubra pênûsê qediya bû

Li ber şibakeyekê, li xerîbiyê

Hinava min qet hênik nebû

Hest bûn hevok û herikîn

Piştî nivîsa çend benda

Bi temaşakirina kolanên vala

Dilê min derbû…derbû…derbû.

 

Mamoste Baqî

Tîrmeh 2020-Stenbol