Xudê ev teamê di xweş dane te
Digel av û fêkî libasê li te
Hinek xwê di ber zadê paşî bixwe
Heramî û tiştê bişubhe mexwe
Tu be şukrê manendê heywan mexwû
We bê mulheza wê tu tiştek mexwû
Ku goştgirtina te ji heram bitin
Duayê te êdî qebûl nabitin
Bixwe tu ji bo quweta taetê
Ne bo lezet keyf û pur şehwetê
Heçî hate ber te tu pê razî be
Gelek talibê tiştê xweştir mebe
Di ber zadê paşî jî destan bişû
Wekî ku bi kevçik bixwey qet meşû
Tu navê Xwedê bîne dest pê bike
Wekî ku rihabûy hemdê bike
Li ser zadê rûne bi terzek edeb
Piyê rastê rake birazîne çep
Ne razê ne pal de dema xwarinê
Ne bêhiş be ba fexr û pur xwarine
Tu elhemd îlaf û îxlasê bixûn
Duayê di merwî ji bêhed bixwûn
(Nehcul Enam, Çapa Tipên Erebî)
Mele Xelîlê Sêrtî