MELZEME – PÊDIVIYÊN XWARINÊ
Têra 4 kesan
*Balîcan: 4 heb
*Goştê hûrkirî: Nîv kîlo
*Sîr: 2 dendik
*Pîvaz: Seriyek
*Îsotê hêşîn (yê dirêj): 5-6 heb
*Firingî: 3 heb
*Ava firingiyan: Kevçiyekî xwarinê
*Îsota pûlikî: Kevçiyekî çay
*Îsota reş: Kevçiyekî çay
*Rûnê ron: Qedeheke avê
ÇÊKIRINA KEBABA BACANAN
Balîcanên xwe bi dirêjî jê bikin û tê bixin nav ava bi xwê û dûvre balîcanên xwe ji nav avê derxin, bi potekê zûwa bikin. Rûnê xwe têxin taweyekê û deynin ser argûnê, balîcanên xwe di nav rûn de sor bikin. Li binê tebeqekê peçeteyan raxin û balîcanên we yên sorkirî têxin tebeqê da ku rûnê di nav balîcanan de werin kişandin.
Goştê xwe yê hûrkirî têxin teyfikekê, pîvaz û sîrên xwe li rendê xin û bavêjin nav goştê xwe, îsota pûlikî û xwê jî bixin ser û bi hev re bieciqînin. Kuftika xwe di nava destên xwe de bikin gilover û deynin ber xwe. Rûn têxin nav taweyekê û deynin ser argûnê, ku rûnê we sor bû kuftikên xwe yê we kiriye gulover di nav rûn de ser û binê wan sor bikin.
Di nav qabekê de firingî û îsotên xwe yên hêşîn, bi dirêjî jê bikin û li ser wan xwê û rûnê ron birejînin û li hev bixin deynin goşeyekê.
Balîcanên ku we sor kirine deynin ber xwe li ser sêniya firinê, du heban bi vî şiklî (+) deynin ser hev û kufteyên xwe yên sorkirî têxin navbera wan û kêlekên balîcanan çepo rasto bavêjin ser kufteyê, perçeke firingî û îsotên hêşîn deynin ser û darikên xwe têre kin. Heta ku balîcanên we biqedin, bi vî şiklî dewam bikin û deynin ser sêniya xwe.
Ava firingiyan têxin teyfikekê û av berdin serê û lihev xin. Sosa ku we çêkiri bixin ser kebaba xwe û bavêjin firinê. Dema şîva wê pijiya derxin û bi germî deynin ser sifreyê.
Noşî can be