Teral

Paşila te germav e

hembêza te mîna ber tav e

tu hêlîn ez jî çûk im

tê de razêm

teral teral.

 

Xuyê te şîrîn e

zimanê te hingivîn e

tu bûk î ez zava me

îşev razên

teral teral.

 

Bila sonda me yek be

ne rojek heta mirinê be

mal avayê de were

em êdî razên

teral teral.

 

Herkes vê yekê baş beled e

ev çi şerm e bêedeb e

derî bigire biedeb e

şerm neke zû were

em razên teral teral…

 

Bawer Agirî