Ji bo daweteke Bêstres: 20 Rêyên Hêsan û Zelal

Fikra daweteke bêstres dibe ku wekî xeyalekê xuya bike, lê bi rastî ne ne mimkun e. Her çend hûn çiqas bi plan û bername bin jî, dema roja mezin nêzîk dibe, dibe ku hin pirsgirêkên neçaverêkirî we bitirsînin. Li jêr 20 şîret hene ku dê alîkariya we bikin daweteke bêstres organîze bikin.

1. Wekî cot, biryar bidin ku hûn çi dixwazin
Dema daweta xwe plan dikin, bi hev re rûnin û biryar bidin ka hûn daweteke çawa dixwazin. Merasîmeke fermî, daweteke li peravê, an jî bi orkestrayeke zindî? Bi hev re biryarê bidin û paşê fikra xwe neguherînin.

2. Pêşî cihê dawetê hilbijêrin
Dema planê dikin, destpêkirin carinan zehmet e. Ji ber vê yekê, bi hilbijartina cihê dawetê dest pê bikin. Cihê ku li gorî budçeya we û dîroka dawetê ye bibînin, ev yek dê hilbijartinên din jî hêsantir bike. Piştî ku hûn cih bibînin, mînakî, hûn dikarin dest bi amadekirina dawetnameyan bikin.

3. Hûrguliyan ji xwe re bihêlin
Planên ku her roj diguherin, daweteke bêstres nade we. Bi heval û malbatê re axaftin dibe ku aram bike, lê ji ber ku her kes dê fikreke cuda bide û hişê we tevlihev bibe, çêtir e ku hûn her tiştî bi her kesî re parve nekin.

4. Kêm zêde ye
Dawet bûyereke biha ye, ji ber vê yekê girîng e ku hûn diyar bikin ka çi ji bo we bi rastî girîng e û çi ne girîng e. Kes gulên li ser masê an dekora wê nayê bîra xwe. Tiştên ku di hişê mirovan de dimînin, bûk, şahî û wêne ne. Pereyê zêde li gul û dekorê xerc nekin. Bi çend fikrên hêsan lê xweşik hûn dikarin ecêban biafirînin.

5. Kar parve bikin
Ango, karan belav bikin. Heke hûn her tiştî bi xwe bikin, dibe ku endamên malbatê ji vê yekê hinekî aciz bibin. Ji bo kontrolkirina ku konfetî di wextê xwe de tên, hûn dikarin nêzîkên xwe wezîfedar bikin. Heke hûn karan parve bikin, kesên ku destwerdanê di karê we dikin jî kêm dibin.

6. Biryaran bi hev re bidin
Planên bi hevalan re çêkirin dibe ku pir kêfxweş be, lê hevjînê xwe ji derveyî planê nehêlin û biryara dawî bi wî/wê re bidin. Her çend bêje “ez destwerdanê nakim” jî, bawer bikin ku ew jî dixwaze beşdar bibe. Dawet a bûk û zava ye, û hemû biryar divê bi wan re bin.

7. Rojekê bêyî fikirkirina dawetê derbas bikin
Ji dema ku planên dawetê dest pê dikin, hûn dikevin maratoneke westîner. Dema roja dawetê nêzîk dibe, her tiştî bidin aliyekî, telefonên xwe bigirin û 24 saetan bi tenê bi hev re bimînin. Di vê demê de jî ne li ser dawetê, li ser evîna xwe biaxivin.

8. Li gorî budçeya xwe tevbigerin
Kar dikarin bi hêsanî ji kontrolê derkevin, bi taybetî di dawiyê de, û hesabên malê bi bazarê re li hev nakin. Ji bo ku piştî dawetê poşman nebin, li budçeya xwe bi baldarî tevbigerin û ji bo surprîzên dawiya dawî jî mîqdarekî pere li aliyekî veqetînin. Daweteke bêstres a darayî tê wateya destpêkirina jiyana zewacê bê deyn.

9. Bigerin ku hûn kêfxweş bin
Gelek endamên malbatê dikarin di nav vê qerebalixê de ji bîr bikin ku ev hemû ji bo we û hevjînê we ye. Ji ber vê yekê, ji destpêkê de xwe li pêş bigirin û fêrî gotina “na” bibin. Ji bo kêfxweşkirina kesên din tiştên ku we bêhêvî dikin nekin. Tavîz nedin.

10. Organîzatorekî dawetê bigirin
Heke hûn hîs dikin ku hûn nikarin bi serê xwe bi rê ve bibin, organîzatorekî dawetê bigirin û her kesî ji derveyî planê bihêlin. Ji ber ku ew bi awayekî profesyonel nêzîk dibin û hestan li aliyekî dihêlin, ew dikarin we ji zextên dramatîk ên malbatê biparêzin. Daweta xeyalên xwe pêk bînin û ji tiştekî nerehet nebin. Ji bo daweteke bêstres ev biryara dawî ye.

11. Draman ji bîr bikin
Çi organîzatorê we hebe çi tune be, di dawiyê de dê qeyranên hestyarî derkevin holê. Dema hemû endamên malbatê ji bo armancekê li hev dicivin, qeyranên hestyarî an dramayên biçûk neçar in. Guhên xwe li van bigirin.

12. Li welatekî din zewicin
Daweteke bêstres a bêkêmasî tenê bi vî awayî dibe. Hûn dikarin bifikirin ku ev vebijarkeke biha ye, lê pakêtên zewacê yên guncav hene û tenê kesên girîng dê beşdarî daweta we bibin. Bi vî awayî hûn dikarin teserûfê bikin, serê we jî êş nake. Piştî ku mêvan diçin, hûn dikarin tavilê dest bi meha hingivî bikin.

13. Biryar bidin ku hûn dê bi çi re têbikoşin
Di dema planên dawetê de, nerv pir teng dibin. Dema mirovan dest bi streskirina we dikin, aramiya xwe biparêzin, tenê serê xwe bihejînin û tiştên ku hûn bawer dikin bikin. Enerjiya xwe ji bo tiştên girîng, mîna gulçiyê ku nîvê gulên we şandiye, bikar bînin.

14. Li ser mijarên ne girîng serê xwe neêşînin
Bi rastî, gelo girîng e ku gulên we ne bi rengê fîlî, lê bi rengê kremê bin? Dema hûn li wêneya giştî dinêrin, ev ne girîng e. Tişta bi rastî girîng çi ye? Ev daweta we ye û divê kêfxweş be! Li ser pirsgirêkên biçûk qet serê xwe neêşînin.

15. Bi aramî tevbigerin
Hatta mirovên herî mentiqî jî carinan kontrolê winda dikin. Yekem car e ku hûn zewicin û hûn ne profesyonel in, ji bîr nekin. Her çend rewşeke stresê be jî, hûn dikarin bi ser bikevin. Destûrê nedin kaosê ku hişê we kontrol bike. Tişta girîng ne dawet, lê pîrozkirina paşeroja we ya bi hevjînê we re ye.

16. Realîst bin
Hewa, cilên maseyê yên bi rengê şaş, kekê ku tê xwarê, yek ji nedîmên we ku wê rojê nexweş dikeve… Ev tiştên ku hûn nikarin kontrol bikin in. Ji bo tiştên neçaverêkirî amade bin. Panîkê nekin û bizanibin ku hin tişt dibe ku ne wekî planê bin.

17. Kar li deqeya dawî nehêlin
Lîsteyekê çêbikin û tiştekî li deqeya dawî nehêlin. Bi vî awayî hûn dikarin di wextê de destwerdanê li pirsgirêkan bikin û tiştekî ji bîr nekin.

18. Şêwirdariya beriya zewacê
Hûn ê bi salan bi hev re bin, dibe ku zarokên we çêbin, gelo hewce ye biçin ba şêwirmendekî? Ma ev ne ji bo ciwanên ku hev nizanin e? Bi rastî, na. Gelek cot xwedî hêviyên ji jiyana zewacê ne, lê qet hewce nabînin ku li ser vê biaxivin. Rakirina hemû pirsan gaveke girîng e ji bo zewacê.

19. Aram bin
Heke hûn stresê bin, daweta we çawa dê bêstres be? Rewşa hestyarî ya bûk û zava bandorê li tevahiya dawetê dike. Heke hûn tengav bin, derdora we jî bandorê dibîne. Ji ber vê yekê aram bin, bêhna kûr bigirin û bişirîn.

20. Kêfxweş bin
Dema mirovan paşde dinêrin, bi gelemperî tiştên ku ji daweta xwe tê bîra wan stres, kaos û qerebalix in. Ew ji bîr dikin ku ew roj a wan e. Ev roja we ye û hûn dixwazin wê bi kêf bînin bîra xwe. Tenê tişta girîng ev e.

Cemîle Makran