Dilê min lez û bez be
Her dem jî geş
Rewşekî bê bêxof were
Rût û tazî her tim jî şilf
Nekeve nav xem û xeyalan
Hestên azadî qet te kêm nebe
Her dem hêvî te tijî be
Bixwaze rizgarî dil û can, serbestî
Dilo were bi lezgîn be
Nêta xilte te hebe tiwarde
Zelal bike wek çemê Erez çemê Firat
Bi şewq û şemalan welatê me ava bike
Mîna hespekî kehêl zû were
Dil û can rêkeve
Reng û rengan bi kesk sor û zer
Gulan vede kulîlkan bide
Dilo werê serbilindî werê rûmetî
Zincîra koletiyê biqetîne bişkêne
Ser hîmên serîhildana şanaziyê
Pêl û pêl xwe azadî berde
Şêr û lehengî bi egîtî
Dema me bike şeng û şahî
Roja me jî ronahî
Dilê min were wek birûskan
Rizgarî û têkoşînî
Min qurbana hemû gelê meke
Welatê me jî çêke
Dilo xwe bişibîne xêlîya serê bûkan
Bixemile li her rengan
Bikeve nav bax-baxçan hemû werzan
Stargeh tekoşeran şên bike
Dil min neqede her roj bimeşe Amed, Qers û Mûşê
Cîzra Botan û Zêtka Her der Kurdistan e
Navê welatê me pir xweş e
Dilo dilo dilê min
Tu seh dikî dengê min
Welatê me her çavê min e
Zanî an nizanî
Koletî mirin e
Rizgarî jiyan e
Hege war, welat nebe
Ax bi gelan re darbeste, goristan e
Dilo lez were bez were
Wek şervanan
Wek şefeqa serê sibehan
Gelan re bîne serfirazî
Kurdistana me şên bike
Ala rengîn ser de navdake
19.10.2011
Mehmet Çobanoglu
