Şikandina Gûzan

Dibêjin, pîrejinek û kurekî xwe hebûne.

Kurê Pîrê her şev diçû civatê û heta derengiya şevê nedihat malê. Diya wî jî mereq dikir, heta kurê wê nehata ranediza.

Berê li gundan her şev, gundî li malekî kom dibûn û ji hevûdu re çîrok û meselok û leqemok û wekî din gotinok digotin. Heta derengiya şevê diman û piştre her kes diçû mala xwe.

Kurê Pîrê çi dema ku diçû malê, Pîra diya wî her şev jê dipirsî, digot:

– Kurê min, çivatok çi xeberok?

Pîrê her şev, her şev wê pirsê ji kurê xwe dipirsî.

Kurê wê jî pir zêvir bûye û şevekê kurê gotiye diya xwe:

-Li civatê digotin: Hakimê welêt ferman daye ku çi pîra 20 gûz bi diranên xwe bişikêne, wê dide mêr.

Kurê Pîrê serî xistiye xewê û razaye. Sibehê dema ji xew rabûye, dîtiye ku xirtexirt ji diya wî tê, gotiye:

-Dadê tu çi dikî?

Pîrê gotiye:

-Kurê min ez guz bi diranên xwe dişikênim.

Kurik gotiye:

– Dadê te çend gûz şikandiye?

Pîrê gotiye:

– Heke ez vê bişkênim, dimînin 19.

Tu nabêjî, piştî ku kurê Pîrê razaye, wê 20 gûz anîn û yekê xistiye devê xwe, heta sibehê jî ew yek neşikandiye.

Îcar hin kes hene dixwazin hin îş bikin, lê ji wan nayê.

Xwedayê mezin alîkariya me hemiyan bike.

Her şad û bextewer bin…

11/ 10/ 2024