Asmîn, keçîkeke biçûk û meraqdar e. Ew bi ajalên mîna berxik, karik, kûçik, perperîk, golik, morî, cehşik, kosî, pîrhevok, legleg, gogerçîn, dîk, kurmik, cewrik, gur, rovî, çûçik, werdek, pepûk, kew, quling re dipeyîve û alîkariyê bi wan re dike.
Di pirtûkê de 24 serpêhatiyên Asmînê hene. Em bi coş û heyecan serpêhatiyên Asmînê dişopînin.
Asmîn him li xwe digere him jî tiştên nû hînî me dike. Ew di navbera xwe û ajalan de zimanekî nû, gerdûneke fantastîk diafirîne. Bi ger û serpêhatiyên xwe zarokê di hundirê me de şiyar dike.
Ew keçikeke azad û dilsoz e. Dixwaze xwe û me hînî xwebûn û cihewazbûnê bike.
Ew zarokatiya me yî windabûyî ye. Bi serpêhatiyê wê em li zarokatiya xwe digerin, alîkariya ajalan dikin û bi her awayî pêrgî xwe tên.
Asmîn, hevala zarokên 7-12 salî ye û li benda hevalên xwe ye.
Pirtûk ji Weşanên Sîtavê derket. Hûn kanin ji malpera sitavê bistînin.
136 rûpel e.
Gotara berê: Dersên Rastnivîsê I 4
Gotara piştî: Ji bo ku rûyê we bêleke û bêşop be divê hûn çi bikin?
Gotarên Têkildar
Pirtûka “Vî Zemanî Her Kes Mîmarê Sînemaya Xwe ye” ya Ardîn Dîren
Pirtûka “Cegerxwîn û Berhemên Wi” ya Yusuf Kaynak
