Li Tetwanê Fûara Pirtûkan dest pê kir

ziman Agahîyên Nû Leave a comment 13 Views

Fûara Pirtûkan a Tetwanê ku di çarçoveya 58’emîn Festîvala Çand û Hunerê ya Tetwanê de li dar dikeve îro dest pê kir. Fûar heta 9’ê mehê li perava behrê li benda xwendevanan e.

Di fûara îsal de weşanên (bi rêza alfabetîk) Ar, Aram, Ava, Aryen, Belkî, Dara, Do, Erda, J&J, Lîs, Lîberta, Lûvî, Morî, Nûbihar, Payîz, Sîtav û Zargê stand vekirine.

Fûar her roj di navbera saetên 10.00 – 20.00’an de li Kêleka Îşletme Otelî – Li Perava behrê vekiriye.

Çalakiyên Festîvala Çand û Hunerê ya Tetwanê jî didomin. Her êvarê konser hene.

Diyarname

‘Êdî Kurd dîroka xwe dinivîsin’

Di Konferansa “Ziman, Wêje û Dîroka Kurdan” ya li Almatayê de ji bo nasandina pirtûka dîroknas Letîf Brûkî rûniştineke taybet hat veqetandin û li ser pirtûkê gengeşiyeke germ hat kirin. Ev pirtûk piştî hilweşîna Yekîtiya Sovyetê, yekemîn pirtûka li ser dîroka Kurdan û Kurdistanê ye ku bi zimanê Rûsî hatiye çapkirin. Dîroknas û nivîskarê pirtûka “Dîroka Kurdan” Letîf Memed Brûkî li ser naveroka xebata xwe got: “Pirtûk bi bingehîn bi sîstematîzekirina çavkaniyên kevnar, dîroknasî, etnografî, navên erdnîgarî û çanda gel ve girêdayî ye. Niha guhertoya wê ya Kurdî amade dikim. Ez hewl didim heta meha îlonê temam bikim û bidim çapê.” “Tehrîfên li ser dîroka Kurdan” Zanayên Kurd amaje dikin ku tehrîfkirin û pêşdaraziya li hemberî dîroka Kurdan tenê bi dîroknivîsên dewletên cîran ve sînordar nîne. Rûsya û Yekîtiya Sovyetê her çend wekî navendeke girîng a Kurdolojiyê tên naskirin jî lêkolerên wan jî dîroka Kurdan herî dûr bi serdema navîn ve sînordar hiştiye. “Ewladê gelê Kurd nivîsiye” Profesorê Zanîngeha Pêwendiyên Navneteweyî ya Qazaxistanê Hesenê Evdoyê Elî li ser girîngiya pirtûkê anî zimên: “Heta niha bi giranî dîroka Kurdan nûnerên gelên din nivîsîne. Lê ev pirtûk, ji aliyê ewladê gelê Kurd ve hatiye nivîsîn. Pirtûkeke ansîklopedîk e. Ez hêvîdar im ku di her mala Kurdan de ev pirtûk ji bo nifşê nû hebe.” “Bila êdî derewan nekin” Karsazê bi navê Xano Tîtal jî daxuyand ku ev pirtûk bersiveke li dijî angaştên ne rast e û got: “Miletên din li ser Kurdan çi derew kiribin, li hemberî miletê me durûtî kiribin, Birayê Letîf ev hemû tişt bi îsbat û delîlan gihandine wê astê ku em karibin ji miletên din re îsbat bikin. Bila êdî derewan nekin, dîroka me ev e.” …