Ji Weşanxaneya Nûbiharê 2 Pirtûkê Nû DERKETIN!

Gotinên Pêşiyên Kurdan Bi Zimanê Gundan

Yazar / Nivîskar: Mihyedînê Mihemedê Remo

Her kalek an pîreke me ku çavê xwe ji vê “dinya gewrik” digire û ji nav me bar dike, hinek ji vê mîratê bi xwe re dibe. Ji vî aliyî ve kedkarê vê pirtûkê mamosta Mihyedînê Mihemedê Remo, nimûneyeke pir baş nîşanî me daye ku ev xebata wî ji wan gotin û bêjeyên winda dagirtî ye û ji bo ziman û çanda Kurdî û bi taybetî jî ji bo zaravayê Kurmancî û devoka Torê, dê bibe çavkanî.

Mihyedînê Mihemedê Remo li ser vegotin û devoka Torê pir bi hûrgilî rawestiyaye û heta jê hatî jî zimanekî herikbar bi kar aniye. Di çîrok û çîvanokên pirtûkê de, bi riya diyalogan, devoka herêmê pir xweş hatiye parastin, bi saya vê yekê jî li gorî me, ev xebat, ji bo zimanzan û lêkolînerên folklora Kurdî û bi taybetî ya Torê û derdora wê, dê bibe çavkaniyeke hêja.

Mihyedînê Mihemedê Remo, bi xwe di nav gelê herêma xwe Torê de rabûye û çanda herêmê jî baş dizane. Bi saya vê yekê jî taybetiya xebatê ya ku “çîrok û çîvanokên herêmê, gotinên pêşiyan ên herêmê piştrast dikin”, diyar dibe.

FIYAT: 165.00 TL

ISBN: 978-625-7383-48-6

EBAT: 13,50 x 21,00

SAYFA / RÛPEL: 604

DİL / ZİMAN: KÜRTÇE / KURDÎ

KATEGORİ: FOLKLOR

 

Şahnameya Kurdan- CIVÎNA NEMIRAN (Cild: I-II)

Yazar / Nivîskar: Mela Ehmedê Palo

Hazırlayanlar / Amadekar Mehmet Yıldırımçakar, Veysel Başçı, Yakup Aykaç, Rêzan Palo

 

Şahnameya Kurdan Civîna Nemiran berhemeke teqrîben ji şeş hezar beytan pêk hatiye. Berhem ji du cildan pêk tê ku şair navê berga ewil daniye Civîna Nemiran û ya duyem jî daniye Civata Nemiran û Şoreşên Kurdî. Di cîlda ewil de Palo dike ku lehengên Kurd ên dîrokî bi teknîkên monolog ên navxweyî, bi heman rengî kesayetên bi navên sembolîk bide axaftin. Di cilda duyem de jî şairên Kurd ên serdema klasîk li dor çarçoveya mantiq û honandineke şanoyî dide axaftin û rêça dîrokî ya têkoşîna Kurd bi awayekî serkeftî tîne zimên. Palo di vê berhemê de Kurd û Kurdistanê datîne navendê û li dor van, li ser mijarên wek despotîzm, çînên civakî, koletî, kolonyalîzm, nezanî, bêdewletbûn û hwd. hin pêşniyazên bingehîn kirine ku ev pêşniyaz hê jî rastiya xwe wenda nekirine.

Şair doza Kurd û Kurdistanê ji xwe re kiriye bingeh; herwiha jiyan, ax, welat û gelek baweriyên din ên mîtolojîk, hizr û ramana dîrokî û jiyana rasteqîn, wekî hêmanên bingehîn ên pêkhatina vê zanava etnîkî tesewur kiriye. Ji vî alî ve ev berhem bêhn û teşeya Şahnameya Fîrdewsî dide.

FIYAT: 185.00 TL

ISBN: 978-625-7383-50-9

EBAT: 13,50 x 21,00

SAYFA / RÛPEL: 768

DİL / ZİMAN: KÜRTÇE / KURDÎ

KATEGORİ: ŞİİR / HELBEST