Hew Îslam Şa Dike

Dînê Xweda
Îslam
Ew e ji me re rehm û azadî
Rûmet û ewlehî.

Bi ku de derim rastî nakokiyan têm
Yên pergalên beşerî
Li hawîrdor xwîn diherike
Sedem pergal û helwestên ne însanî.

Ê, divê çawa be?
Wê çawa xelas bibin ev şerm?
Bersiv:
Divê veger bal dînê Xweda be
Wekî sehabiyan, ev e rêya îslamî.

Bes e bila kes xwe nepesinîne
Di nav van şerman de
Tev vê birakujiyê
Dûrketina ji rastiyê
Zêdebûna qelpiyê
Û bi vê bê evîniyê para kesî nakeve pesn.

Hew Îslam şa dike
Betilandin mirovahî
Derew û fikrên derîslamî.

Ya Rebî ez destê xwe bal te vedikim
Tu veşêre kirêtiyan
Îslamê bike para me

Li malên me, li sûkên me
Derîne ji nav umetê şaxên zilmê
Û bike li vê umetê rehmê
Me di Îslamê de bigihîne lûtkê.

Naxwazim tiştekî derîslamî
Ne hewcî kes qal bike ji tevan têr im
Min pejirand ji xwe re Îslam
Ew e ji min re rê bi wekîdin qayil nabim.

Îslameddîn DEMİRKAYA
Reşemî, 2016