Gelek kesan gelek caran ji min re gotin tu dîn î
Na! Ez ne dîn im
Lê belê mecnûn û aqilavêtî me
Ya ku ez kirim delodîn
Dêmek heyvîn
Kenek biharî bû
Ya ku ez kirim Dîno
Çavek kil kirî
Bêhnek binevşî bû
Gelek kesan gelek caran ji min re gotin tu bêdîn î
Na! Ez ne bêdîn im
Lêbelê ez bêîman im
Ya ku ez bêîman hiştim
Awirek melûl
Dêhnek xemgîn bû
Ya ku ez kirim bêdîn
Meşek hûrik
Timtêlek feriştehî bû
Şêx bi şêx
Mela bi mela
Ez gerandim
Paxila min tije nivişt kirin
Ayet û dûayên xwedayî li ser min xwendin
Doktor bi doktor
Ez gerandim
Dolaba min tije derman kirin
Kesî jî ji min nepirsî bê ka şîfa dilê min çi ye!
Ger bipirsîya teqez bersiv maçek ji lêvên tenik
Awirek muşfîk bû
Kesî jî serê min neda ser çonga xwe û negot çima serê te diêşê ji bilî dîya mina lal
Kesî jî dilê min neda ber dilê xwe û negot çima dilê te bi birîn e ji bilî bavê minê bêmiraz
Erê ez li xwe mikûr têm
Ez dînek bêdîn im
Lêbelê xwedî dilek şikestî û evînek im
Şev şahidê evîna min e
Û roj dijminê dilê min e
Dilbirîn Dilo
Gotara berê: Jimara pêncan a eKovara Temaşeyê hate weşandin
Gotara piştî: Dîwarê Dawî
Gotarên Têkildar
Kurteya Romana ”Hinara Dawî ya Dinyayê” ya Bextîyar Elî
Giringiya edebiyatê di struktura netewî de tiştekî zêde zêde mezin e
