Duaya Xitma Quranî (Zazakî)

Bîsmîllahîrrahmanîrrahîm

Pê nameyê Homayê Rehman û Rehîmî.

 

Hemd Homay rê yo ke Rebbê aleman o.

Aqîbeto hol, yê mûttaqîyan o.

Duşmenîye, tena seba zaliman a.

Selat û selam, Pêxamberê ma Hz. Muhammed sero, û heme ehlê beytê ey, û sehabeyanê ey rê bo.

 

Ma ra, îbadetanê ma, qebûl bike Ya Rebbî! Bêguman, Ti heme çîyan eşnawenî, û heme çîyan zanenî.

 

Ya Mewlayê ma! Tewbeyanê ma qebûl bike.

Bêşik, Ti tewbeyan qebûl kenî û rehîm î.

Hîdayet bide ma.

Ma rê serfîrazîye bide, ke ma pê biresîme heqî û rayîro raştî,

Pê bereketê Quranê ‘ezîmî,

Û qey xatirê Pêxamberî, ke To ey ma rê zey rehmetê aleman şawito.

 

Ma bibexşîne ya Kerîm!

Ma bibexşîne ya Rehîm!

 

Bi fezl û keremê xo ra, guneyanê ma ‘ef bike, ya kerîmê kerîman!

 

Hey Homayê ma! Pê xemlê Quranî, ma bixemilne,

Pê kerametê Quranî, ma keremdar bike.

Pê şerefê Quranî, ma şerefdar bike.

Pê kinca Quranî, ma xemildar bike.

Pê şefaetê Quranî, ma deke Cenetê xo.

 

Qey xatirê Quranî, ma heme belayanê dunya û ezabê axîretî ra, bixelisne.

Heme ummetê Muhammedî rê, merhamet bike, ya Rehîm û ya Rehman!

 

Ya Homayê ma! Quranî, dunya de ma rê bike heval, qebir de dost, roja qiyametî de şefaatkar, pirdê siratî ser de nûr bike.

Cenet de ma rê embaz,

Adirî rê, bike perde û setari.

 

Ya Kerîm! Bi fazîlet, comerdîye û keremê xo ra,ci, semedê heme karanê xeyrênan rê bike delîl û rayber.

 

Pê hîdayetê Quranî, ma hîdayet bike.

Pê kerametê Quranî, ma adirî ra bixelisne.

Pê fazîletê Quranî, dereceyanê ma berz bike.

Wendişê Quranî, guneyanê ma rê bike kefaret.

Ya wayîrê fezl û îhsan!

 

Ya Homayê ma! Qelbanê ma, pak bike,

Qusûranê ma, setir bike,

Nêweşanê ma rê, şîfa bide,

Deynanê ma, biqedîne,

Rîyê ma, roşn bike,

Dereceyanê ma, berz bike,

Babîyanê ma rê, merhemet bike,

Mayanê ma rê, mexfîret bike,

Dîn û dunyaya ma, islah bike,

Êrişê duşmenan, ma ser ra wedarne,

Keyeyê ma, malê ma, welatê ma, heme tewir afetan û nêweşîyan û belayan ra bipawe.

Linganê ma sabît bike, verba komelanê kafiran de ma rê hetkarî bike,

Bi hurmetê Quranê ‘ezîmî.

 

Ya Homa! Sewabê Qurano ke ma wendo,

Nûrê ey o ke ma tilawet kerdo, biresne ruhê seyîdê ma Hz. Muhammed, sellallahû taela ‘eleyhî wesellemî.

Û biresne ruhê heme biraranê ey ê nebîyan û resûlan,

Selat û selamê Homay Taela, ê hemînan sero bo.

Û biresne ruhê ehlê Pêxamberê ma, domananê ey, cinîyanê ey, sehabeyanê ey, tabîînanê ey û heme zurrîyetê ey, rizayê Homay Taela ê hemînan sero bo.

Û biresne ruhê bawkanê ma, daykanê ma, biraranê ma, wayanê ma, gedeyanê ma, merdimanê ma, heskerdoxanê ma, dostanê ma,

Û ustadanê ma,

Û şêxanê ma,

Û kamo ke heqê înan ma sero yo,

Û biresne heme muslimananê ganîyan û merdeyan.

 

Ey Homayo ke îhtîyacan vîneno!

Ey Homayo ke duayan qebul keno!

Bi rehmetê xo ra, duayanê ma, qebûl bike, Ey tewr rehîmê rehmanîyan!

 

Selam, heme pêxamberan sero bo.

Hemd, rebbê aleman Homay rê yo.

El-Fatîha