Yew Şîîrê Mewlana: Mekir (Meki)

 

Mi eşnawit ke ti nêtê şeyîşî kenî, mekir!

Meylê sewbîna waşte û dostî kenî, mekir!

 

Ti dunyaya ğerîban de, ğurbetî pê se kenî?

Qestê kamcîn qesbaveşayeyî kenî, mekir!

 

Ma ra metrawi xo verbi ğerîbîyan meşo!

Ti tirawite yewdê bînî ra nezer kenî, mekir

 

Hey aşm, felek ser û bin bîyo qandê to,

Ti ma wina xirab û ser û bin kenî, mekir!

 

Qey ti wad danî û qey ti sond wenî wina?

Sond û nazî ti xo rê sîper kenî, mekir!

 

Ka ê ehdî û ka ê sozî ke to dayî,

Wadan û sozan ti peygoş kenî, mekir!

 

Hey maqamê xo serbê beyeyî û çinbeyeyî,

Wareyê beyeyî ti wina terk kenî, mekir!

 

Hey Cahnim û Cenet ğulamê emrê to,

Cenetî, ti ma rê sey seqerî kenî, mekir!

 

Şekerdanê to de jehr zirar nêdano ma,

Ê jehrî ti bi şeker a yew kenî, mekir!

 

 

Ganê mi bi dağme adir de veşa qîm nêkerd,

Ti rîyê mi fîraqî ra zerd kenî, mekir!

 

Ek ti ri bitadî aşmi bena sîya w sot ğemî ra,

Ti kenî ke keyeyê aşmi xirabe bikî, mekir.!

 

Ma lewziwa benî ek ti bibî ziwa,

Çimanê ma ti pirr hesrî kenî, mekir!

 

Eke taqetê aqilê aşiqan to de çin o,

Qey ti aqilî rê wina heyret kenî, mekir!

 

Ti helawî nêdanî nêweşî ke pê nêdejo,

Bi dejê xo ya ti ey hîna ğidar kenî, mekir!

 

Çimê mino heramwer, dizdê rindekîya to,

Hey layiqê dizdnayîşê çiman, ti ma dizd kenî, mekir!

 

Sare wedar hey heval, hinî wextê qalan nîyo,

Bi xayîsê eşqî ti çi seregermîye kenî, mekir!

 

Mewlana Celaledînê Rûmî

 

nêt: niyet

şeyîş (şîyayîş): gitmek

beye: varlık, var olan, mevcut

çinbeye: yokluk, var olmama, mevcut olmayan

seqer: Cehennem,

helawî: helva

rindekîye: güzellik

xayîş: baygınlık hali