(Kullîyatê Rîsaleyanê Nurî ra)
Mihemed Resulê Homay o. Ê ke ey reyra yî vera kafiran şedîd, xo mîyan de zaf merhemetin î. Ti înan vînenî ke şonî rukû û secde. (Sûreya Fethi:29)
Destpêkê na ayeti, xeberi dana ke, pêxamberan ra pey, sehabeyî, semedo ke wayîrê karekteranê berzan û wayîrê mezîyetanê qîmetdaran î, însanan mîyan de tewr tuliz î. Kişta bîn ra [na ayeti] ebi manaya xona aşîkari/ rakerda îfade kena ke, sehabeyî îstîqbal de, cîya-cîya, xusûsî wayîrê mertebeyanê weçîniteyan benî. Him manaya xona nîşanî, hetê ehlê tehqîqan ra zî [kifş bîyo], wefatê pêxamberî ra dima, îşaretê rêzbîyayîşê xalîfeyanê raşîdînan kena, sifatanê înan yê tewr meşhur û taybetîyan, ke sebebê tuliz/ pîlbîyayîşê înan î, xeberi dana. Winî yo ke:
[wellezîne me’ehû] (êyê ke ey reyra yî.) îşaretê Hezretê Siddiqî kena ke embazeya xoya taybetî û suhbetê xoyo xusûsî reyra hetê pêxamberî de bîyo û tewr verî wefatkerdişê xo reyra hewna daxîlê ê dostey û terraqa ey beno.
[eşîddaû ‘elel kuffarî] (qarşîyê kafiran şiddetin î.) reyra Hezretê ‘Emerî îşaret kena ke îstîqbal de, ebi futûhatanê xo, dewletanê rîyê ‘erdan lerzneno û pê ‘edeletê xo, sey virsoyî, zaliman rê şîddetê xo mojneno.
Û him bi [ruḥemaû beynehum] (xo mîyan de merhemetin î) ra Hezretê ‘Usmanî ra xebere dana, ke îstiqbal de cirîyayîşê yew fîtneyo tewr muhîme hedre bîynî, kemalê merhamet û şefqatê xo ra, qandê ke beyntarê Bisilmanan de gonî/ goîni bella nêbo ruhê xo feda kerdo, ganê xo teslîm kerdo, hingê Quranwendişê xo de, mazlumane şehîdbîyayîşê xo tercih kerdo.
[terahum rukke’en succeden yebteğune fedlen mînellahî werîdwanen] (ti vînenî ke şonî rukû û secde. Lutf û rizaya Homay geyrenî) Hezretê ‘Elîyî ra xeberi dana, ke kemalê lîyaqat û qehremaneya xo reyra dekewto seltenat û xelîfetey labelê zahîdey û îbadet û feqîrey û îktîsadî weçînayo û tim zaf rukû û secde kerdinî, ke herkes ney tesdîq keno, na ayeti îstîqbal de wazîyetê ey ra xeberi dana û vana; mîyanê ê fîtneyan de herbê xoyê ke kerdî înan ra mesul nîyo û nêt û waştişê xo lutf û keremê Homay o. (Lem’aya 7. ra)
Bedîuzzeman Se’îdê Nursî
Açarnayox: Serdar Bedirxan
Vajnameyeko Kirdkî-Tirkî
mezîyet: bir kimse veya bir nesneyi benzerlerinden üstün kılan vasıf, üstünlük
tuliz: 1- seçkin insan 2- yiğit
weçînite (n): seçkin, seçilmiş olan
ehlê tehqîq: hakikatleri delilleri ile araştıran âlimler
futûhat: fetihler, zaferler
virso: şimşek
cirîyayîş: gerçekleşme, vuku bulma
hing (n): an, lahza, esna
lîyaqat: lâyık olma, uygunluk
seltenat: hükümdarlık, sultanlık
zahîd: dünyâyı terkedip dînin emirlerine çok titizlikle riâyet eden
nêt: niyet
Gotara berê: Şark ve Kürdistan Gazetesi
Gotara piştî: MELE MİTOR (Çîrok)
Gotarên Têkildar
Xutbeya Weda’ê / Xatirxwestinê
Heqîqeta Fenabûnê, Sira Beqayê û Tekamûla Ruhê Mirov – “Ya Bâqî Entel Bâqî”
