Mirîstan

Asîman bi rengê derewan hatiye xemilandin

Dîsa wê mirin bibare bi ser cihanê de

Dîsa wê bêhna mirinê tev li bêhna sêvan bibe

Hîroşîma

Nagazakî

Helepçe

Rûyê mirovan bi rengê mirinê hatiye şûştin

Dîsa wê xîyanet xwe ji şevên reng bi heyv bide der

Wê laşê jinan bi ruhê zilamên zalim ji pakîyê bê paqij kirin

Rojava

Rojhilat

Rojhilata navîn

Mirin çiqas me’sûm e li ber vê tabloyê

Dîsa wê mêtîngerî bibe xwarina bindestan

Dîsa wê kuştin bibe şahîya dilan

Dîsa

Û dîsa

Wê mirovahî di bin lingên hespan de bê peçiqandin

Wê dilê me bi zevîya mirinê bixemile

Dilbirîn Dilo

Gotarên Têkildar