5 hezar pirtûkên derbarê Amedê de hatin berhevkirin

Di bin banê Pirtûkxaneya Navendê ya Zanîngeha Dicleyê da “Pirtûkxaneya Amedê” ya ji 5 hezar pirtûkan pêk tê hat avakirin.

Li Pirtûkxaneyê Navendî ya Zanîngeha Dicleyê de 5 hezar pirtûkên der barê Amedê de hene.

Tê plankirin pirtûkên li derveyî Bakurê Kurdistanê û Tiriyê yên derbarê Amedê de hatine amadekirin ji bo pirtûkxaneyê bên berhevkirin.

Rêvebera Şaxa Serokatiya Daîreya Dokumantasyonê ya Pirtûkxaneya Amedê Songul Atli jî destnîşan kir dixwazin pirtûkxane ji bo Amed û bajarên derdorê bibe navenda lêkolînê.

Atli anî ziman piştî Prof. Dr. Talîp Gul bû rektor pirtûkxaneya biçûk, mezin kirine û bi 5 hezar pirtûka dest pê kirine.

Songul Atliyê diyar kir ji xeynî pirtûkan broşur, belavok û çavkaniyên dîtbarî jî hene û got ew dixwazin hemûyan dabeş bikin û bikin xizmetê.

Atli ameje kir ku pirtûka bi navê Amîdayê ya pirtûkeke berfireh a derbarê Amedê ye, çapa wê ya tirkî di destê wan da ye û wiha got: “Me beşekî pirtûkxaneya Şevket Behsanoglu aniye. Esma Ocaka nivîskar jî pirtûkên xwe bexşand. Pirtûkên derbarê Celal Guzelses û Ziya Gokalp da jî hene. Di pirtûkxaneyê da kovarên Kara-Amîd û Karacadagê yên berê, pirtûkên ji 1800î vir ve yên derbarê Amedê de hene.”

Rêvebera Şaxa Serokatiya Daîreya Dokumantasyonê ya Pirtûkxaneya Amedê herwiha diyar kir dixwazin çavkaniyan derbasî dijîtalê bikin û bang kir da ku xelkê Amedê pirtûkên xwe bibexşînin pirtûkxaneyê.

Rudaw

Etîket: amed, amîd, amîda, diyarbekir, Dr. Talîp Gul, med

Gotara berê:

Gotara piştî:

Gotarên Têkildar

“Sûretê Piştê” bi çapeke nû li Kobanê derket

Navnîşana nû ya pirtûkên kurdî: Pirtûkgeh vebû!

Ji Bo Jiyanê Gotinên Bav û Kalan

Ji Kaniya Gel Çend Xebatên Folklorî

Rîsaleyên Nûr êdî bi dengê Zazakî û Kurmancî têne guhdarîkirin!

Şîroveyeke binivîse

Nivîskarziman
Dîroka weşanê25/02/2017
Nûvekirin21/02/2017
KategorîAgahîyên Nû
Etîket, , , , ,
Hejmara peyvan222
Dema xwendinê2 deqe xwendin