Weşanxana Wergerê ya Hojîn ku li bajarê Sine yê Rojhilatê Kurdistanê hat vekirin, ji aliyê rêveberiya tomarkirina belgeyên fermî û rêveberiya rewşenbîrî ya Îranê moleta fermî ya kar wergirt.
Rêveberê Weşanxana Wergerê ya Hojîn Kemal Tahirnijad ragihand: “Bi armanca dewlemendkirina pirtûkxana kurdî û pêkanîna navendekê bo kesên ku ji demeke dirêj ve di warê wergerandinê de kar dikin, me ev weşanxana wergerê damezrand.
Tahirnijad berdewamî da axaftina xwe û got: “Eger em budceyekê werbigrin an piştevaniyeke me ya mewdanî û aborî hebe, em dikarin karên berçav ne tenê li ser asta Îranê, lê li ser asta cîhanê jî encam bidin û xizmeteke herçend biçûk, lê giring bo gelê xwe û pirtûkxana kurdî bikin.”
Rêveberê Weşanxana Wergerê ya Hojîn Kemal Tahirnijad behsa wê yekê kir ku mixabin ta niha zimanê kurdî nebûye zimanekî zanistî, lê got:
“Ev nayê wateya ku zimanê kurdî nikare bibe zimanekî zanistî, lê ta niha kar li ser vî zimanî nehatiye kirin. Lewma emê hewl bidin bêhtir guh bidin kar û berhemên zanistî.”
Gotara berê: FERHENGOKA LEŞKERIYÊ
Gotara piştî: Gotinên Pêşiyan
Gotarên Têkildar
Pirtûka “Rênimaya Zimannasiyê” ya Omitê Mistefê ji Weşanxaneya Hîvdayê Derket
Mehmet Öncü: Pêşî min bi tomarkiriyê ve dest pê kiriye!
“Kuştina di Ekspresa Rojhilatê” Ji Pall Weşanê Derket
Danasîna Pirtûka Destpêk û Dîroka Sînemaya Kurdî a Dilazad ART
