Mislimanî û cihûtî û isewîtî û zerdeştî
Çi ol hebin çi ê asîmanî û çi jî evê dî
Ferman a wan wihaye bidirêj û kurtî
Dibên ava bikin li dine xweşahî û aştî
Hemû ol dibên mirovên li ser ev cîhan
Rêwîne ji bo demekî ewin li vir mêvan
Bijîn bi aramî û bi kêfxweşî û bi dilgeşî
Rakin ji ser dine kedxwarîtî û ev talan
Çi hebin mirovên bêkes û jar û perişan
Wan têr bikin, bidine têrî wan av û nan
Kîn û hesûdî û dexesî û pîsîtî û nebaşîyê
Tevî mirov bi hevre ji kokê hel bikin van
Lê bawermendê bawerhişk û kokdar
Di bin bandora olê da dibin gurê har
Sînor ê sincî û dînî li gor xwe datînin
Di şûn Xwedayê aleme de digirin biryar
Olê ji bo berjewendîyê xwe tînin bi kar
Mirov li ber wan dibin pêxwas û stûxwar
Dibên dev ji mal û milk û zêr û zîv berdin
Di binda jî heqîbê xwe tijî dikin û dikin par
Hin kesa daye du xexam û pîr û keşe û şêxan
Qaşo xwe dûr dikin ji guneh û vir û derewan
Difikirin bi tene xwe û civak a xwe ya olî
Bi bîr nayînin mirovên birçî û belengaz û xîzan
Ê ku fikr û raman û ramînên wan bin cuda
Em wan heramonî dikin ji yekî heta seda
Vê dinê ji wan re dikin cehenem û dojeh
Abadîniyê de mê bibinin dojeh a Xweda
Xweda ne Xwedayê yek û didu kesiye
Xwedayê kaînat û gerdûn û hemûkesiye
Her ol û oldar bi awayek xwe digihînê
Ê giring dilpakî û hezkirin û xweşbîniye
EMRE MÛHARGÎNÎ
AMED/ 10 Gulan 2015
