Ey Mela, sal bi sal ya le geriyam çiye
Eger ew sir eşq bê, ya dil disotê çi ye?
Ey Feqî, ya mirov dîn û har dike dilber e
Ya dil disotê ne eşq e, tîra firqetê ye
Ey Mela, te çendî xwendiye ji elîf û bê yan
Jehr e an hingive ya dibarê ji lêvan?
Ey Feqî, ilme me ne elîf û bê ye
Her xeta me noqteyek ji eşqê ye
Ey Mela, ji bo bisk û gerdenê yarê
Serxweşim ji eşqa sîng û berê
Hew dizanim çibkim ji derdê dilberê
Dilê min li Turî Sîna digerê
Ey Mela, hew dizanim çibkim ji derdê van gerden zêran
Derba eşqê em birîndar kirin ji pê heta seran
Sed mêrên wek Ristem dikin mîna şima
Ji bo Leylayekê me emr borand, ne Leyla hat ne jî emr ma
Ey Mela, ya em dixwenin ji kiteba qudretê ye
Ya em şev û roj vedixwûn şeraba eşqê ye
Meyxanêya sekranbûya war û mekanê me ye
Hembêza qametelîfan cihê şa û aramîya me ye.
Ey Mela, ji derba awirên yarê perîşan im
Ji bo wan xal û zilfan dil bijan im
Di qedaha şerabê de qurtek ava sor im
Li çiyayê qaf sîmurgê windayî ez im.
Ey Feqî, çima naxwênê ji kiteba min
Çi sebebe ku navexwê ji şeraba min
Ey Mela, ya em dixwinin sîng û ber in
Ya em şev û roj jê vedixwin dev û lêv in
Ey Mela, me can da di rêya çavbelekan de
Fitû çiye, tu şerh bike di kitêbê de?
Ey Feqî, eşqa çavan biqasî ronîya findê ye
Ya canfedayan wek ster û rojê ye.
Ey Mela, ilme te xwendiye ji kiteba şerîatê
Eger te negihînê rêya heqîqatê
Tu ji were dergaha xerabatê
Tê bi qurtekê bibînê sir ê heqîqatê
Ey Feqî, ev çiye ku xwîn li me har bûye
Hicrana ji lêvê yarê mîna ar bûye?
Ey Mela, ji meha adar e demsal bihar e
Ew xwîna germ şûnwarê ramûsanên yar e.
Dilazad im evîn di dil de şax da
Di vê rê de me dil û can da
Can bi can, dil bi dil da
Can jî, dil jî, evîn jî erzan da
DILAZAD A.R.T
dilazadart@gmail.com
14.04.2022