PIRTÛKA DR. NÛREDÎN ZAZA HAT ÇAPKIRIN

Çand Name Agahîyên Nû Leave a comment 230 Views

Weşanxaneya Sîtavê û Pirtûka Konê Reş Li dor Rojbûna Dr. Nûredîn Zaza

Dr. NÛREDÎN ZAZA (Kurdê Nejibîrkirinê 1919–1988) JI ALIYÊ WEŞANXANEYA SÎTAVÊ VE HAT ÇAPKIRIN

Pirtûka nivîskar Konê Reş ya ku li ser jiyan û têkoşîna Dr. Nûredîn Zaza nivîsiye ji aliyê weşanxaneya me ve ji çapê re hate amadekirin.

Pirtûka ku ji bo 100 saliya jidayîkbûna Dr. Nûredîn Zaza hatiye amadekirin niha li çapxanê ye û dê heta çend rojên din bigihîje ber destê xwendevanan. Em wekî Weşanxaneya Sîtavê şanaz in ku me berhemek wiha giranbuha çap kir.

Di vê berhemê de agahiyên berfireh li ser jiyan, têkoşîn û berhemên Dr. Nûredîn Zaza cih digirin. Her wiha nivîsên Dr. Nûredîn Zaza bi xwe jî tê cih digirin. Ji her hêlê ve berhemeke hêja û giranhuya ye û xwendevan dê sûdeke gelek mezin jê bigrin. Bi vê boneyê em 100 saliya jidayîkbûna Dr. Nûredîn Zaza pîroz dikin û wî bi hurmet bibîr tînîn.

Weşanxaneya Sîtavê

Nivîskar Faîk Ocal pirtûka xwe ya nû ya Kurdî ya bi navê “Çîrokên Axa Min” çap kir.

Ev pirtûk ji aliyê Weşanên Sîtavê ve hat çapkirin û edîtoriya wê Îsmaîl Dîndar kiriye. Pirtûk ji 60 kurteçîrokan pêk tê. Faîk Ocal ji Semsûrê ye û di vê berhemê de xwendevanan dibe herêma xwe. Di çîrokan de çanda Semsûrê, jiyana eşîra Kosan, xwezaya Çiyayê Spî, kevneşopî, folklor û bîranînên herêmê cih digirin. Di çîrokên “Xweziyên Çiyayê Spî”, “Rêwiyê Çiyayê Spî” û “Hevalê Çiyayê Spî” de Çiyayê Spî derdikeve pêş. Her wiha çîrokên “Giloka Ferêt”, “Pîj”, “Kirkît” û “Teşirêse” çand û mîrata Semsûrê nîşan didin. Ocal tiştên ku li deşta Semsûrê û li Çiyayê Spî dîtine û jiyane, di forma kurteçîrokan de vegotine. Di her çîrokê de bîranîn, hest û êşeke mirovî heye. Taybetiyeke din jî ev e ku hemû çîrok li gorî devoka Kurmanciya Semsûrê hatine nivîsandin. Pirtûkên Kurdî yên Faîk Ocal ev in: 101 Romanên Kurdî (Cilda 1, 2022) 101 Romanên Kurdî (Cilda 2, 2024) 101 Çîrokên Kurdî (2024) Asmîn (2025) 4 Başar 45 Çîrok (2026) Çîrokên Axa Min (2026)