Tenê bo te..!
Payeyên balkêşiyên hestan çokên xwe dînin
Û xwedawendên viyanê
Ên ku li sîbera bedewebûna te
Hîştin ku derbirîn rabiper e
Û rewanbêjî nikaribe xwe rabigihîn e
Û nikaribim ji ber navgiranî
Û tîrêjên awirên çavên te birevim?
Çavên te yên ku, hemû wateyên rastî û dilpakî yê
Û rengên pêşerojê û nameyên yekbûnê
Tevî bawrmendiyê di xwe de hewandin e
Û bawerî bi girnijînek e di dil de, peyveke matmayî ye?
Herwiha çavên te, dînîtîya dildarî yê jî dikolin
Û xêza pevgihîna lêvan
Çîrokên Sirat Elmisteqîm, dibêjin
Kengî dil û can ew katane ezberkirin..!
Wê ji dojeha bêparî
Û xweşiya ramûsana herdu lêvan rizgar bibe!?
Mihemed Hesko (birasoz)
Almanya, 13.11.2020
Gotara berê: Duchenne Muscular Dystrophy – DMD (Duchenne Muskuler Dîstrofî)
Gotara piştî: Dengbêjekî Bêxweyî: Keremê Kor
Gotarên Têkildar
Giringiya edebiyatê di struktura netewî de tiştekî zêde zêde mezin e
