‘Evdillah

Ji xwe bipirsîne
Bêje, ez kî me?
Kî, ez şandime?
Li dunyayê bona çi me?

Bona ku bikaribim bijîm,
Ji her çi re, hewce me
Yek ji wan, ne ê min e
Gelo, kî vî rizqî, ji min re dişîne!

Hê ku çavên te dibîne
Huner û neqşan bibîne
Hê ku, guhên te dibihizîne
Guh bide peyama Xaliqê xwe

Hê ku pişt û çokên te digre
Secde bike, ji Xaliqê xwe re
Dibe ku nexweşiyek bi te bigre
Tu bixwazî bikî, lê hêza te nemîne

Li ser rûyê ‘erdê bigere
Bermayên pêşiyan bibîne
Ka ji xêncî çend xirabeya
Li pey xwe çi hîştine!

Emîrşah Kahraman
11.02.2024/ÎZMÎR