Dayîka mina delal
Xwezila tu niha hebûya,
Bi zimanê dayîkê, bi zimanê xwe
Te ji min re lorîyên şirîn û şekir bigota
Bi çavên xwe yên ku ewil te ditine,
Min tu bidîta
Xwezila ez niha zarok bûma
Te di paşila xwe ya germ û nerm de min bihewanda
Bi ruhê zarokatîyê min tu hemêz bikira
Li hemêza te ya germ û nerm ez bialîyama
Çavgirtî û bi destê te girtî di xewek şirîn de bama
Te li ser dilê min de
Şewqeta dilê xwe birijanda
Hemû kovan û keserên dilên min bikewanda
Dayê ! Dayîka min !
Wexta ez diketim tengasî û nexweşîyan
Dermanê min tu bû
Di germa havînê de tu ji min re hênikahî bû
Di serma zivistanê de tu ji min re germahî bû
Wexta xem û xeyalan ez dorpêç dikirim
Tu ji min re ken û şahî bû
Belê ! Dayîk jibîr nabin !
Tu dayîka mina delal î
Di dilê min de bedew î, gerdenqaz î
Tu gul î ji bo min gulnaz î !
Nasır KEMALOGLU
