Yekşem , 1 Tebax 2021

Çîroka Welatekî!

Ji berî hezar salî ve

bav û kalên me,

di nav xaka gelî, deşt û daristanan de

dijiyan..

Çiyayê Toros, Zagros û Ararat

li dor wan, ber bi asman ve bilind dibûn..

Hêza xwe ji ava çemê Dicle, Ferat,

Zab û Xabûr

distandin..

Di nav wê xakê de

xan û man ava kirin

genim çandin

hesip kedî kirin û

mezin.. mezin bûn..

Li gor werzên salê,

havîn û zivistanên xwe,

di zozan û germiyanan de

derbas dikirin..

His û hestên xwe dertanîn;

peyv diafrandin û

stran ji hev re digotin..

Di nav wê xakê de

bav û kalên me çêbûn û mirin..

Ji wê hingê ve,

ew xaka Xwedayî,

ji me re bûye xweş xelat

Em bûne xwedî welat

bi navê Kurdistan li Rojhilat.

 

Konê REŞ

Qamişlo 11/4/2021

 

About ziman

Check Also

Rêzehevpeyvînê Jina (8) – Dîlan Şewqî

Lokman Polat – Pirs : 1- Ji kerema xwe, tu dikarî xwe bi xwendevanan bidî …

Bersivekê Binivîsêne

Epeyama we nayê weşandin. Qadên pêwist bi * hatine nîşandan.