Bi Pirtûkên Zarokan Piştgiriyê Bidin Şaneşîn Performansê – Lê Çawa?

Tiştekî ecêbe ku cara yekem Şanoyeke Kurdî bi pirtûkên zarokan a şanoyekê bikê. Li Stenbol, Amed, Elih û Wan şanoyên kurdî hene û li Mêrdînê jî yek li wan zêde bû: Şaneşîn Performans. Werin em bi hev re Şaneşîn Performansê nasbikin û piştgiriyê bidin xebatên wan.

Şaneşîn Performans, wek koma şanoyê bi pêşengtîya hin mamosteyên Kurdî û  dilxwazên vê qadê ve, di 9ê meha Sibata 2022an de li Mêrdînê hat avakirin.

Armanca me xizmetguzarîya Şanoya Kurdî û herweha Zimanê Kurdî ye. Şaneşîn Performans berê xwe dide lîstikên şanoya Kurdî û ya cîhanê, lîstikên nû diafirîne û bi terz û şêweyeke nû dixwaze asta hunera şanoya Kurdî bi disîplînên din re bilindtir û geştir dike. Ne bi tenê li bajarekî; li her çar alîyên welêt û ewrûpayê dixwaze hunera kurdî temsîl bike.

Şaneşîn Perfomans niha amadekarîya xwe ji bo lîstika “Bêcir”ê dike û ji bo ku vê lîstikê derxîne ser dikê alikarîyê ji temaşevan û dilxwazên şanoya kurdî dixwaze. 

Weke temaşevan hûn dikarin çawa alikarîya me bikin?

Li ser malpera https://www.pirtukakurdi.com/Mardin-Sanesin-Performans-Destek-Kampanyasi-tr û www.morizarok.com ê li ser navê Şaneşîn Performansê pîrtûkên ji bo zarokan hatine amadekirin. Kesên ku dixwazin alikariya me bikin, dikarin li ser van malperan li ser navê me pîrtûkan bistînin. 

Em ê çi bikin ji van pirtûkan û dê çawa alikariya we bigihije me? 

Projeya me ew ê  nêzî 10 rojan berdewam bike û di dawiyê de pirtûkên ku hatine firotin,dê li ser navê Şaneşîn Performansê li Colemergê ji bo dibistanekê were bexşkirin û her wiha pirtûkên din jî ew ê li kêleka biletên şanoyê, wek diyarîya we em ê bi temaşevanên xwe re parve bikin û herweha pirtûkên ku hatine firotin bi sponsoriya Pirtukakurdî û Morî Zarokê ve ji bo lîstikê ew ê were xerckirin. 

Em bi kêlecan li benda temeşavanên xwe ne!

 

Ji bo têkilîyê:

sanesinperformans@gmail.com